BALTH. CORDERII, S. J. INTERPRETATIO.

Quamquam neque ipsamet umquam intima sua unitate destituitur, sed ad sublimantem et unificantem eorum qui providentia gubernantur contemperationem, dum, uti decet, benigne multiplicatur atque emanat, etiam intus in semetipsa stabiliter manet, immobili identitate unimode firmata, et ad se ut fas est attendentes, pro cujusque capacitate, simplificativa sua unione subrigit, unificatque. Neque enim potest aliter divinoprincipalis ille radius nobis illucescere, nisi sacrorum varietate operimentorum anagogice obvelatus, nobis quoque paterna providentia connaturaliter ac proprie sit accomoda-

Quapropter primitiva illa rituum sacrorum institutio, sanctissimam nostram hierarchiam supermundana caelestium hierarchiarum imitatione dignam censens, praedictas immateriales hierarchias, materialibus figuris et formativis compositionibus variegando transcripsit, ut pro nostra cum illis proportione, a sacratissimis Actionibus ad simplices figurarum expertes anagogas et similitudines evehamur ; quandoquidem fieri non possit, ut mens nostra ad immaterialem illam caelestium hierarchiarum imitationem ac contemplationem intendatur, nisi e propinquo, materiali usa fuerit ductione :