Diomeditae aves sunt quas ad augurium vocavit rex Diomedes : albae sunt igneis oculis, quantitate cygnorum, rostris acutis cavant molliora rupium in quibus nidificent, et tecta desuper ex tegulis et pulvere componunt ad modum magni scyphi : exitum dirigunt ad Orientem quando procedunt ad pastum et re-. vertuntur ad ostium nidi dispositum ad Occidentem, per aliam viam redeuntes ad casas : sed quando querulas emittunt voces, significare dicunt augures aut regis patriae aut utrorumque excidum. Hae aves, ut quidam dicunt, Graecis accedentibus blandiuntur, et omnes alias impugnant nationes ad suos nidos venientes.