CAPUT III.

De natura cerebri secundum doctrinam Aristotelis.

Sequitur autem nunc dicere de causa et natura cerebri.

Sicut autem diximus superius, multi Antiquorum opinati sunt, quod medulla spondilium quae nucha vocatur, sit continua cum cerebro et ejusdem naturae secum, licet veritas illis contradicat, eo quod natura cerebri diversa est a medullae michae natura. Cerebrum enim valde frigidum est magis omnibus aliis interioribus membris : natura autem medullae michae est calida, cujus signum accipitur ex pinguedine quae est in ea. Causa autem quare medulla michae est continua cum cerebro, est quia natura semper laborat ordinando membra ad id quod melius est. Cum igitur cerebrum sit frigidum, continuat ei contrariae dispositionis membrum, ut ex hoc det ei virtututem adjuvantem et expellentem distemperantiam quae provenit ex qualitate frigiditatis in cerebro : et ideo ponit unum prope alterum. Ex multis autem rationibus propriis manifestum est medullam nuichae calidam esse, et etiam ex ratione quae inducta est ex. frigiditate cerebri: quia aliter natura non reduceret ad temperiem ordinem membrorum, nisi calidum poneret et continuaret ad frigidum. Signum autem frigiditatis cerebri est, quod tactus cerebri valde est frigidus, et est privatus sanguine magis omnibus humiditatibus quae sunt in corpore, eo quod quasi nullus sanguis apparet in eo : et cum hoc etiam est siibsiccum. Cerebrum autem non est superfluitas, sed potius principale membrum : neque est ex membris omnino continuis et compactis, sed natura ejus natura aeterna quaedam est, dum durat animal. Rationabile enim est naturam cerebri esse talem, eo quod est principium et arca operationum animalium.

Amplius autem cerebrum non habet continuationem cum aliquo membrorum sensibilium, sicut ad visum apparet in anatomia.

Adhuc autem cerebrum non habet omnino sensum tactus, sicut neque sanguis aut superfluitas alia animalis : non enim est in corporibus animalium nisi ad salvandum naturam.

Non enim est verum quod quidam fingunt animam esse ignem aut aliam corpoream virtutem clementi, quae similis sit calori ignis, et quod illa sit in cerebro, et propter hoc cerebrum sit calidum. Sicut enim in his quae de Anima sunt disputata, melius est dicerc quod anima sit principium et causa corporis sive sustentatio continens ipsum : et sic in tali corpore quod est calidum et alias virtutes habens elementorum, aut quod anima sit talis causa talis corporis qualis dicta est, et quod istae elementorum qualitates sint instrumenta ejus : et ideo dicere animam esse ignem, idem valet quod eam dicere fabrum lignarium esse. Ex his ergo et hujusmodi rationibus necessarium est, quod anima est actus corporis habens sicut motor et artifex in potestate hujusmodi calorem ignis qui est in corpore.

Sed, ut prius diximus, omnes res phy-

sicae commixtae indigent conjunctione contrarii sibi ut temperentur, ita quod non sit eis aliqua distemperantia : et natura fecit cerebrum frigidum, et positum est ex opposito cordis quod est membrum calidissimum, eo quod non salvaretur membrum egrediens a temperantia per se sine contrarietate alterius membri temperantis ipsum, propter quod sagax natura ingeniata est ponere cerebrum ex. opposito cordis, ut diximus. Cerebrum enim erat intemperatum, eo quod vincebat in ipso natura terrae et aquae, quae sunt elementa frigida valde : haec enim contemperantia resultans ex ordine brorum causa est, quod animal habens sanguinem, habet cerebrum : nec habet cerebrum ab aliquo alia animali, nisi forte non habentia sanguinem habeant membrum conveniens cerebro quod operatur cerebri operationes, sicut animal multipes secundum Aristotelem et sibi similia, quae etiam animalia calida sunt propter cerebri privationem. Cerebrum enim emendat complexionem caloris et ebullitionem caloris et cordis: ut habeat cor etiam calorem temperatum in duabus venis, scilicet in vena majori et madorti, sicut diximus in anadmia : hae enim venae secundum ramification.es suas perveniunt ad telam cerebrum continentem : ut enim non accidat cerebro nocumentum ex calore qui accideret si venae calidae penetrarent in substantiam ipsius, ideo istae venae per texturas suas sunt continentes ipsum. Spissae autem sunt et graciles loco venarum paucarum magnarum, quarum oritlcia tamen effundunt sanguinem ad ipsum ut nutriatur. Sanguis autem iste est mundus, clarus, et subtilis, et non spissus et turbidus. Si enim sanguis ille fuerit frigidior complexione temperata, aut etiam ipsum cerebrum, statim accident catarrhi : vapor enim cibi ascendens sursum et vadens per venas venit ad cerebrum : et cum infrigiditatur nimis vapor hujusmodi, statim accidunt catarrhi propter fortitudinem frigoris quod est in loco illo : est enim illo catarrhus phlegmaticus ex aquoso sanguine et frigido : et quando conferuntur ea quae f iunt in homine qui est minor mundus, ad ea quae fiunt in majori mundo, erit hoc accidens, sicut generatio pluviarum ex vaporibus : vapor enim ex terra et aqua quae sunt elementa inferiora, ad superiora ascendens sustentatus stat in aeri superiori, qui continet hunc acrem qui continet terram, et frigiditate illius convertitur et descendit per pluviam. Hujus igitur aegritudinis quae catarrhus vocatur, hic dicimus causam quidem insufficientem : quia hoc sufficit nobis ad philosophiam naturalem de qua nunc loquimur. Medicus autem discretus habet omnes modos et causas ipsius.

Amplius autem sensus est in cerebro. Cerebrum autem in. veritate non est nisi in animali habente sanguinem: sed in animalibus carentibus sanguine, est membrum conveniens cerebro : et convenit cum cerebro in operationibus ipsius, quoniam infrigidat cibum qui venit ad ipsum ex elevatione sanguinis vel humoris qui est loco sanguinis : potest enim hoc esse in membro quod est loco cerebri propter aliquas causas similes illis, sicut est frigiditas et ponderositas capitis. In omni enim animali, sive sanguinem habeat, sive non, tempore dormitionis est caput ponderosum : quod non accidit nisi ex frigore. Cum autem cibus infrigidatur, calor fugit cum sanguine gravato et infrigidato descendente ad inferius. Et quia calor agitatur ad inferius et interius, ideo erit somnus. Et ideo animal erecti corporis, non potest elevare caput suum, et praecipue ponderosi capitis, sicut homo, et pygmeus. Similiter autem et animalia quadrupedia gravatis capitibus submittunt capita in tempore somni. Subtiliter autem de his locuti sumus in libris quos fecimus de Somno et Vigilia : ibi enim causas somni distinximus distinctione completa.

Amplius autem cerebrum compositum est ex terra et aqua : quod probatur ex

hoc, quod siccum efficitur quando decoquitur et durum : quia tunc dissolvitur ab eo pars aquosa per calorem, et remanet in eo constans pars terrestris quae multa est: et quando pars humida resolvitur ab hujusmodi parte, remanet valde durum.

Amplius autem homo habet valde magnum cerebrum, quando confertur ad cerebra animalium aliorum, et cerebrum viri majus est cerebro mulieris.

Adhuc autem locus qui vicinatur cordi et pulmoni, est valde calidus, et erigit corpus propellendo spiritum et sanguinem ad superius : et ideo homo quia haec loca, calida habet, est erecti corporis : homo enim est calida) complexionis : et calor et spiritus sursum tendentes faciunt augmentum in membris superioribus et erectionem staturae. Huic vero calori cordis et complexionis contrariantur humiditas et frigiditas cerebri : propter multitudinem enim frigidi et humidi quod est in. cerebro, non cito in pueris durescit pars vicina cerebro, os videlicet quod est in prima sutura sincipitis : vapor enim et calor a corde et spiritualibus venientes per illam partem exeunt: et ideo non accidit hoc nisi animali habenti sanguinem et caput multae suturae, sicut est homo. Est hoc accidens conveniens etiam foeminis hominum propter eamdem causam, ut videlicet melius calor possit respirare, praecipue quando cerebrum est valde magnum respectu quantitatis corporis : si enim citius quam debet secundum naturam contingit consolidari et indurari, non perfecte complebit opus suum : sed potius in talibus vapor exspirare non valens, infrigidatur, et infrigidat caput et corpus : et accidunt ex hoc infirmitates et amentiae sive amissio intellectus. Calor enim cordis et primi membri est multus, et de facili laeditur ab aliis membris quando multum oppilantur et infrigidantur, et sensus ejus qui est subtilis valde et vehemens, cito immutatur quando concurrit aliquid ad ipsum de sanguine infrigidato cerebrum continente.

Sic igitur diximus de humiditatibus generatis in corporibus animalium, ita quod nos non latet aliquid de dispositionibus communibus eorum.