CAPUT XVII.

Et est DIGRESSIO declarans anadmiam musculorum qui rigil vocantur sive instrumenta ambulaudi .

Ex musculis autem coxae major et nobilior est, qui eam extendit, deinde qui constringit. Isti enim duo motus nobiliores sunt in operationibus suis : extensio tamen nobilior constrictione : non enim statur nisi cum aliqua extensione. Tertio sunt qui elongant, et quarto qui appropinquare faciunt, et quinto et ultimo qui incurvant. Ex musculis autem ex- tendentibus est unus, qui est major omnibus musculis corporis : et ille qui. cooperit os femoris et auellam et super totam, coxam volvitur ab interioribus et exterioribus usque ad poplitem, cujus viiii diversa, habent principia : et ideo suae operationes sunt diversarum specierum. Unus namque ex villis ejus ex inferiori parte ossis femoris nascitur, et declinando ad domesticum dilatatur. Alius autem oritur parum altius illo, et hic coxam ad superiora elevat. Tertius autem multo altius ab isto oritur : et hic coxam ad superiora cum declinatione ad domesticum elevat. Quartus autem est cujus origo est ab osse anchae : qui dilatat coxam secundum rectitudinem. Ex istis musculis etiam est masculus, qui totam cooperit anchae juncturam posterius, tria habens capita, et duo extrema : et capita quidem ab illo et ancha et femore nascuntur ; quorum duo sunt carnosa, et unum est panniculare. Duo autem extrema continuantur cum posteriori parte capitis coxae : et cum unum trahit extremum, dilatatur coxa ad ipsum cum declinatione: si autem ambo trahunt, secundum rectitudinem dilatabitur coxa.

Adhuc autem sub musculis coxae est illo qui a tota ossis ilii oritur superficie, et continuatur cum supremo majoris additamenti, et vocatur cartametra major, et par quod ad interiora extenditur, et cum declinatione ad domesticum dilatatur. Et est alius talis qualis est iste qui in primis cum infima parte additamenti minoris continuatur : deinde extenditur descendens, et operatur operatione prioris, nisi quod facit parvam dilatationem et multam declinationem. Origo autem ejus est ab infima parte ossis ilii. Ex eisdem coxae musculis est quidam, qui ab infimo ossis anchae oritur ad posteriora declinans et dilatans eam facit parumper ad posteriora declinare.

Ex eis vero musculis qui stringunt coxam sive juncturarn coxae, est unus qui cum parva declinatione stringit ad domesticum : et hic est rectus museulus qui

1 a duabus descendit originibus : quarum una est cum fine lumborum, et altera haeret ossi ilii : et sunt illi qui continuantur cum minori additamento domestico. Ex his etiam est museulus qui ab osse femoris nascitur, et cum infimo additamento minori continuatur. Adhuc autem ex eisdem est museulus, qui. ad duo latera coxae transverso extensus continuatur, qui est sicut pars majoris musculi. Quartus etiam ex his, qui oritur a re praeparata quae stat post os ilii, qui etiam crus contrahit colligendo coxam.

Ex musculis autem qui ad interiora coxam declinare faciunt, jam quidam nominati sunt, ubi dilatationis et constrictionis musculi sunt recitati. Specialem autem hic movendi species habet musculum, qui nascitur ab osse femoris, et ,adeo fit longus ut ad. pollicem perveniat. Declinare autem ad exterius facientes, sunt duo musculi, quorum unus venit ab osse lato. Circuire autem facientes, sunt similiter duo, quorum unus a silvestri venit ossis femoris, et alter ab ipsius oritur domestico : et cum sibi obviant, transversantur, et fiunt carnosi in loco profundo circa posterius additamenti majoris : et quicumque solus trahit, torquet ad se coxam cum parva dilatatione.

Tres autem sunt musculi juncturam poplitis moventes, qui sunt in anterioribus coxae positi : et eorum operatio est dilatare. Et unus eorum est sicut sit duplus, duo habens capita, quorum unum ab additamento incipit majori, et alterum ab anteriori coxae, et duo habet extrema, quorum unum est carnosum continuatum cum osse patellae anchae antequam habeat chordam. Alterum autem est panniculare, continuatum cum domestico duarum extremitatum coxae. Aliorum vero duorum musculorum unus est ille quem inter coxam constringcntes nominavimus, qui a separante quod est in osse ilii nascitur. Alter autem ab additamento quod est in osse ilii, exoritur. Et ambo ibi continuantur et uniuntur : et generatur ex eis chorda una quae di-

latatur et circumdat os sciae, et ipsam cum alia quae, sub ipso est, confirmat, deinde continuatur cum capite cruris, et dilatat poplitem., et extenditur crus. Dilatatio vero juncturae poplitis unum habet musculum, qui ab obviatione ossis femoris nascitur,ct incedendo descendit in latus coxae domesticum secundum transversionem : deinde cum parte venosa supremae partis cruris continuatur, et crus declinans ad domesticum dilatat. Habet etiam, ut quidam dicunt, musculum alium isti oppositum in parte silvestri, qui incipit ab osse anchae, et secundum transversionem tendit in latus silvestrc ad locum venosum perveniens : et dicunt nullum esse musculum majoris transversionis, et cum declinatione ad silvestre dilatat : et cum ambo dilatant, erit dilatatio recta.

Musculi vero crus contrahentes, primo quidem initiantur ab uno qui est angustus et longus : et oritur ab osse ilii, et dilatatus ingreditur circa femur, et postea secundum transversionem penetrat ad interiora duarum extremitatum poplitis, et postea exterius egrediens vadit ad eminentiam venosam, quae, est in loco popiitis, et illi unitur : et ipse est quo crus trahitur ad inferiora declinans cum pede ad partem iiiguinis. Et tres alii sunt musculi : domesticus videlicet, et silvestris, et medius : sed domesticus et medius trahunt cum declinatione ad silvestre, et silvestris trahit cum declinatione ad domesticum. Domesticus autem oritur a base ossis anchae incedens transverso ad posteriora coxae, perveniens ad locum cruris venosum in parte domestica, et unitur cum quodam qui aliquid viridis videtur habere coloris. Aliorum autem duorum est origo a base ossis anchae : sed declinant ad. locum venosum, et continuantur cum illo in junctura. Praeterea poplitis est musculus sicut in flexuositate poplitis sepultus, qui eamdem habet operationem cum medio dictorum musculo Quidam autem

dixerunt, quod pars eminens musculi dictantis dupli, quae oritur a seprante, est quae poplitem accidentaliter constringit : et hoc fit quando anchae pyxidem tenere dicitur per chordam quae egreditur ex ipso : et cum ea id quod sequitur ipsam, continuatur.

Ex musculis autem pedis iuncturam moventibus, quidam sunt elevantes, et quidam declinantes. Elevant ium autem unus est magnus, qui ponitur in cannae domestico antecedente : et ille cum ad exteriora egreditur, supra crus inclinatur, et ad partem pollicis vadens continuatur cum eo quod radici pollicis est propinquum, et elevat pedem ad superiorem. Alter autem oritur a parte silvestris capitis, ex quo nascitur chorda quae cum eo quod est juxta radicem minimi digiti continuatur,et pedem levat ad superiora : et tunc maxime quando cum eo primus convenit musculus secundum aequalitatem et rectitudinem operans. Facientium autem descendere pedem est unum par cujus origo est a capite coxae, quod postea descendit et cruris ventrem carne replet : et ex eis chorda nascitur quae est de numero majorum chordarum : et ipsa est chorda nervi qui cum osse calcanei in posteriori pedis continuatur, et trahit pedem ad posteriora transverse, et est causa fortis fixionis pedis super terram. Hunc autem musculus quidam adjuvat, qui oritur a parte silvestri a talo, cujus color est meiangineus, et descendit absque chorda caro manens, et continuatur cum calcaneo sub continuitate quam ante diximus. Et cum musculis his aut chordis ipsorum nocumentum accidit, pes claudicat.

Est autem et alius musculus ex quo duae nascuntur chordae, quarum una pedem stringit, et altera dilatat pollicem. Iste autem a capite cannae in parte domestica oritur, ubi pars illa obviat silvestri, et descendit inter eas, et in duas dividitur chordas : quarum una sub rasceta in anteriori parte pollicis continuatur, cum qua etiam chorda pedis tangit concavum : et altera est chorda quae ex. parte illius generata musculi primae chor-

clae pertransit originem, et postea mandat chordam ossi pollicis, et ipsum dilatat cum transversione ad domesticum.

Alius etiam a capite coxae silvestri parte oritur et cum uno duorum musculus, musculorum ad poplitem pertinentium continuatur, et deinde ab eo separatur, cum vadit per ventrem cruris, et ex ipso oritur chorda quae pervenit ad inferiora pedis, et sub eo toto dilatatur, sicut musculus qui super plantae occultum dilatatur propter auxilium simile quale est auxilium musculi.

Ex musculis vero pedis digitos moventibus, eoristringentes quidem musculi sunt multi, ex quibus est unus qui oritur a capite cannae In parte silvestri, et extensus super ipsam descendit, et chordam ex se emittit, quae, In duas dividitur quae constringunt et medium digitum et medicum. Alius autem isto minor, cujus ortus est a postremo cruris, cujus chorda etiam in duas dividitur chordas quae constringunt indicem et minimum. Dividitur autem ab utraque istarum chordarum chorda quae continuatur cum ea, quae dividitur a reliqua : et fiunt chorda una perveniens ad pollicem et ipsum constringens. Tertia autem chorda quam ante nominavimus, quae est in silvestri duarum extremitatum, quae in cannaae domestica parte existunt, et inter duas descendit cannas, etiam ex se partem transmittit ad pedem constringendum, et insuper etiam partem mittit ad primum os pollicis. Horum autem musculorum qui digitos movent, situs est supra crus posterius. IIIi vero quorum situs est supra pedis plantam, decem sunt musculi : tamen in his decepti sunt quidam : et illi continuantur cum quinque digitis, ita quod cum unoquoque sunt duo lacerti, unus ad dextram, et .alter ad sinistram, et movent ut constringant secundum rectitudinem quando simul movent, et ut declinent quando unus moverit.

Ex his autem adhuc qui. movent, sunt super rascetam, quorum unus quilibet digito est delegatus : et duo insuper qui proprii sunt ad constringendum pollicem. et minimum. Hi autem musculi adeo sunt permixti, quod cum uni accidit nocumentum, evenit quod reliquorum operatio ex compassione debilitetur etiam in propriis operationibus eorum : gerunt enim vices illius aliquo modo, etiam in propria istius operatione : et hac de causa difficile est homini unum digitorum pedis sui constringere absque aliis.

Ex aliis autem musculis pedis, quinque sunt supra pedem positi, qui pedem ad silvestrem partem faciunt declinare : et quinque alii sub eis positi, quorum unusquisque trahit digitum ad id quod sequitur ipsum in parte pedis domestica, et elevat ipsum ad partem domesticam cum motu : et isti quinque sunt cum duobus qui. pollici et minimo sunt proprii septem secundum similitudinem illorum septeni qui sunt in planta pedis. Omnes igitur corporis musculi qui numerati sunt, si subtiliter computantur sunt quingenti viginti novem, quia unus quingentenus numeratur, et undetrecenus.