CAPUT XXV.

De communicatione membrorum et de anadmia syphac.

In dispositis in anterioribus partibus locus apostematis quod dicitur squinantia, qui est in collo super inediam colli spondilem super latere epiglottidis,dicitur communicans sive medius inter pectus et supremam partem colli, ubi cum capite conjungitur in spondili prima. Sub ascella autem locus est, qui communicat inter pectus, et latus, et adjutorium: omnia enim haec tria aequali propinquitate respiciunt ascellam: pectus quidem ante, et latus sub eo, et adjudrium super ipsum existens, Inguen autem per hunc modum est communicans coxae quae est a latere, et cahab, hoc est renibus posterius, et inferius habet locum qui mirach Arabice dicitur, qui vocatur Latine fideris, cujus anatomiam post modicum ponemus. Intus autem infra inguen et super mirach, est pellis retinens intestina, quae vocatur syphac a medicis. Haec igitur membra quae diximus, sunt pectus, et ea quae sequuntur ipsum, et conjunguntur ei anterius in homine. Ad intellectum autem eorum quae nunc diximus, oportet nos determinare anatomiam subtilem syphac et ficteris, et eorum quae circumdant loca ficteris.

Dicamus igitur, quod post cutem exteriorem de qua nunc nihil diximus, ante intestina sunt ad minus tres aut duo panniculi., et id quod vocatur girbum intestinorum, et stomachi: et horum oportet nos scire substantiam, et originem, et utilitatem. Primus autem illorum panniculorum est ille qui est immediate post cutem exteriorem, et ideo etiam vocatur vulgariter cutis interior : a Physicis autem vocatur syphac : et ipse est qui comprehendit intestina omnia anterius, et cum hoc comprehendit lacertos ventris. Est autem spissus et nervosus iste panniculus, sed villos non habet neque tunicas, sed est simplex.

Secundus autem est interior illo, et vocatur iste Graece peritheron, hoc est, circum rotundus : quia ther es vel theron est rotundum. Ratio autem nominis istius est: quia quando singularis est extractus ab aliis, est sicut sphaera supra quam sunt quaedam additamenta mollia, et foramina quaedam sunt in ipso, et hic extenditur superius ad diaphragma, ac si sit contextus ex funibus diaphragmatis reflexis et dependentibus inferius ex loco in quo continuatur cum epiglottali et dorso et lateribus in circuitu ex parte anteriori et laterali et posteriori ventris : et hic est subtilis extensus sub cute exteriori ventris, et suo panniculo, et adhaerent ei duo ex lacertis ventris, dexter vi-

delicet et sinister, forti adhaerentia valde : post quorum adhaerentiam continuatur diaphragmati, sicut diximus, ascendendo, et partibus diaphragmatis carnosis, continuatione quae est unitio cum extremitatibus ejus, sicut sit productus ex ipso, sicut diximus : sed aliquando in via qua ascendit adhaeret stomacho, et ibi magnam habet confortationem et soliditatem substantiae suae, et dilatatur ibi super stomachum valde : sed cum extenditur ultra hepar et adhaeret ei, efficitur in loco directe super hepar existente subtilis valde. Sed cum elevatur ab inferiore ad stomachum, et in reflexione qua descendit a stomacho ad intestina, acquirit firmitatem magnam ex hoc, quod apponuntur ei ibi venae et arteriae magnae suspensae cum eo, et tunc descendit subtus intestina, et includit tertiam pellem quae vocatur girbum. Multum enim de subtilibus venis dilatatis et lacertis currit super unam tunicam istius panniculi qui peritheron vocatur, ita quod aliqui existimant, quod girbum sit pars ejus propter similitudinem et continuationem quam habet cum girbo. Similitudinem autem hanc et continuationem habet praecipue in nervositate. Cum autem peritheron singulariter consideratur separatus a girbo, est valde subtilis texturae, et tunc vere est et vocatur peritheron, et subtilior pars ejus, et posterior est justa epiglottalem sub pectore, ubi continuatur cum diaphragmate, et in loco ubi oritur ex diaphragmate in intrinseco costarum. In dorso autem cum extremo diaphragmatis, est sicut una res continuata sibi. Lacerti autem omnes sunt posterius super carnem glandulosam, quae est quasi sit eis substrata, et est substrata venis magnis quae mesaraicae dicuntur, per quas ab intestinis succositas ad hepar vehitur, quae continue ducuntur ab hepate ad stomachum et intestina. Sunt autem qui opinantur istos panniculos non habere villos trium virtutum attrahentium, qui sunt in intestinis et stomacho, sicut ostendemus posterius. Ista au- tem duo velamina sunt duo tutamina viscerum in concavitate ventris inferius : et cum perveniunt ad pectinem, fiunt in. eis duo foramina stricta per quae transeunt duo suspensoria duorum testiculorum, dextrum et sinistrum, sicut diximus in anadmia testiculorum in praehabitis, ita quod sit ex eis ibi cistis duorum testiculorum, quae vocatur oxeus.

Sub his duobus velaminibus, syphac videlicet et peritheron, est girbum sicut jam ante diximus. Girbum autem est compositum ex duobus panniculis, quorum unus cooperit alium, inter quos sunt arteriae plurimae et venae, sed venae sunt pauciores arteriis. Et figura istius girbi quidem est sicut sit cistis quaedam, et alligatur stomacho et mesaraicis circa colon. Sed ortus ejus est sicut procedat ex quadam superfluitate reflexa, et peritheron descendente apud stomachum, et duodenum, et ex inferiori parte est sicut sit superfluitas peritheron, quae reflectitur de subtus ascendendo ex pectine. Primum ergo quod cooperit ventrem, est cutis : deinde sub ipsa est panniculus primus, qui est syphac : deinde sunt lacerti, et postea est peritheron, et infra illud girbum, et postea intestina.

Aliqui tamen sunt qui de his aliter determinant : quod tamen ad idem redit. Dicunt enim, quod. ex finibus diaphragmatis oritur syphac, et ex syphac quidem cum duabus venis, pulsatili scilicet et non pulsatili, ex ramis earum extensis super stomachum texitur substantia girbi, quae ex duabus aut pluribus tunicis contexta est, secundum loca diversa sibi invicem superpositis : et sunt pingues cooperientes stomachum et intestina et splenem et mesaraicas : et hae tunicae sunt reflexae ad latus interius. Hoc autem girbum licet sit separatum substantialiter a stomacho et his qua) cooperit, tamen est suspensum super ea Alligatio autem istius suspensionis praecipue sunt glandulae quaedam, quae sunt inter venas mesaraicas et intestinum quod vocatur duodenum : sed suspensoria sua parva sunt et debilia. Aliquando etiam videtur continuari cum hepate et collo dorsi : sed continuatio etiam levis est et debilis. Suspensiones autem nihil aliud voco, nisi fixiones et adhaerentias girbi. Girbum autem istud est sicut saccus quidam, qui si esset separatus, et aliquid poneretur in ipso, retineret ipsum. Dicunt autem isti, quod in veritate myrach est panniculus qui est post cutem, et est carnosus, et hunc nos superius diximus esse syphac. Lacertus autem positus in suprema tunica ventris, est de substantia myrach. Tunica autem quae est infima tunicarum lacerti ventris cum. panniculo subtili continente ventrem, secundum veritatem est syphac : et hunc superius nos diximus esse myrach vel peritheron. Girbus autem est sicut interior pannus syphac istius, et sicut exterior panniculus secundi. Et hoc concordat cum supra dictis.

Utilitates autem istorum corporum sunt in communi, ut calefaciant et contineant stomachum, et quod tutentur viscera. Girbum autem specialiter juvat ex sua pinguedine : quoniam ideo positum est super stomachum, et hepar, et super omnia intestina hominum, eo quod multo magis egent adjudrio digestionis quam viscera aliorum animalium, eo quod debiliores sunt virtutes digestivae in homine quam in animalibus aliis : et ideo etiam fecit ipsum natura spissum, ut diu retineat calorem : fecit ipsum subtile, ut levior sit ejus adeps ad porandum : et fecit ex adipe pingui, ut facile apprehendat calorem et diu teneat eum : adeps enim bene recipit calorem, et diu tenet eum propter viscositatem : et hac eadem de causa a posterioribus dorsi extenditur super ipsum vena pulsatilis magna calida ut ferat et augeat calorem, cui etiam associatur alia quieta magna calida propter multitudinem sanguinis qui est in ea.

Summa igitur determinationis nostrae haec est, quod syphac est panniculus primus et spissus et nervosus, et compre-

hendit viscera nutritiva omnia, et tegit ea, et declinat ab eis ad interiora, et alligatur in dorso et in lateribus et ante in superioribus cum diaphragmate. Inferius autem adhaeret vesicae et duobus iliis, et ibi habet duo foramina, quae sunt duae viae per quas transeunt suspensoria testiculorum : et cum illa foramina dilatantur, descendunt per ea intestina in oxeum. Syphac enim ligat omnia viscera simul, et cum dorso, ita quod firmiter congregantur, et unitur syphac dorso et in circuitu diaphragmatis, sicut oriatur ex ipso et producatur ex finibus ejus superfluis dependentibus, et non habet villos sensibiles, sed est corpus simplex : et utilitas ejus est quae dicta est, et insuper quia juvat intestina ad expressionem faecis et vendsitatis, et juvat vesicam ad urinae expressionem : et ideo est spissum syphac et calefacit sua spissitudine intestina. Secundus autem est qui vocatur myrach aut peritheron : et utilitas illius est replere quod est inter lacertos ventris et intestina simul, ut nihil sit vacuum in quod cadant superfluitates, et comprimere interiora viscera evacuativa, ut repellant a se fortiter humores quibus crearetur hydropisis et alii morbi si remanerent in aliquo loco ventris. Tertium autem est girbum cujus utilitas jam dicta est.

Ex his igitur scitur substantia et locus et utilitas panniculorum ventris, qui in communi nomine ab Aristotele telae vocantur, ab aliis autem communiter vocantur syphac, et quidam vocant eos myrach, et non curamus de nomine quando res bene determinata tenetur.

De anatomia autem ficteris hic non determinamus, nisi quod circumstat ipsum exterius. Ficteris enim proprie interius est intestinum, ex quo motu musculorum et quatuor lacertorum, sicut in anadmia musculorum determinavimus, ejicitur stercus : et hoc aliis longaon vo- catur. Sed quod circumstat ipsum extra, est anus qui est callis stercoris vehementis sensus positus in clibani parte infima. Callis autem est ideo ut educatur per ipsum superfluitas sicca putrida. Vehementis autem est sensus, ut sentiat quando claudi et quando aperiri debet. Et ideo quandocumque paralyticatur, emittit stercus ignorante homine, et hoc est foedum. In inferiori autem parte est, ideo quia superiora? sunt nutritiva aut spiritualia, et illa corrumperentur per foetorem stercoris si esset in eis. Oportuit igitur quod inferiora sibi deputarentur clibani. Quinque autem venae circumstant ipsum, quae omnes pacture Graece vocantur, hoc est, fluentes sanguine, eo quod propter conatum aliquando aperiuntur, et sanguis effluit. Sunt etiam ibi multi nervi currentes ex osse caudae, ex quibus est subtilitas sensus, et ipsius in inferiori haec porta stercoris est posita, ut facilius ad ipsum descendat stercus, cujus proprius motus est descendere.

Haec igitur de exteriori parte ficteris hic paucis dicta sunt : quoniam in sequentibus dispositionem interiorum ipsius cum aliis interioribus visceribus determinabimus. Sed quia nos de locis superius quae pluribus communicant, fecimus mentionem, sicut locus est squinantiae, et ascella, et inguen : ideo sciendum quod locus communicans membris pluribus dicitur duobus modis. Unus quidem est ille quem diximus, quod plura membra referuntur ad ipsum. Alius autem est qui dicitur locus communicans pluribus, quando est quidem membrum per se, sed habet collimitationem cum alio per nervum ligantem, sicut dicitur labium inferius habere collimitationem cum sdmacho : et ideo motus labii inferioris indicat futurum vomitum, eo quod

moventur latitudinales viiii stomachi ad cibum ejiciendum.

Secundus modus est, quod dicitur membrum communicare cum alio, quando expellit ad ipsum superfluitates, eo quod dirigitur ad ipsum et continuatur, sicut dicuntur ascellae communicare cordi, et pars quae post aurem est, dicitur communiter cerebro.

Tertius modus, quando se invicem juvant et impediunt membra diversis operationibus suis, sicut dicitur frons communicare cum cerebro, quia bene operans, juvat ipsum, et in aliis stomachus destruit cerebrum : et ita est etiam e converso, quod cerebrum malum per fluxum rlieumatis impedit et destruit stomachum.