CAPUT I.

De zelo et pugna animalium tempore coitus, et de coitu et superfluitatibus foeminarum, et de tempore impraegnationis.

Consequenter autem per eumdem modum dicendum est de animalibus gressi- bilibus sibi similia ex utero animalia gencrantihus, et de homine. De omnibus enim his quae accidunt generationi et coitui eorum secundum eumdem modum jam ante in praehabitis de coitu ipsorum universaliter locuti sumus, et tetigimus etiam parti.culari.ter de coitu aliquorum.

Universaliter igitur dicimus, quod desiderium coitus et delectatio in coitu accidit omnibus hujusmodi animalibus. Et omnium eorum feminis malum est valde, si mares cum eis coeant in tempore partus : quoniam tunc nimis provocatur matrix et forte ejicit fatum ante tempus.

Accidit etiam masculos talium animalium communiter zelum habere et invidiam ad invicem tempore coitus pro usu faeminae : et ideo quidam eorum corrixantur, sicut apri, et student ad indurationem coriorum suorum ut minus laedantur, confricando se ad arbores, ut induretur corium, et postea intrando in lutum : et postea cum desicatum fuerit lutum super duram pellem corrixando congrediuntur, et aliquando in tantum se vulnerant, quod aut ambo moriuntur, aut alter. Similiter autem tempore zeli coitus pugnant tauri et capri et arietes et maxime silvestres ; quia illi plures sunt tunc circa foeminas : et omnia haec animalia ante tempus coitus simul pacifice ambulant, tempore autem coitus dividunt se et pugnant, eo quod quodlibet illorum prae alio quaerit salvari in filiis, et coitus habere delectationem. Camelus etiam masculus valde malus est tempore coitus, et laedit omne animal et hominem tunc temporis appropinquantem. Similiter autem faciunt lupi et canes : raro tamen pugnant lupi et canes propter pluralitatem lnparum et catularum : harum enim facit pluralitas quod non congregantur in magnum gregem tempore coitus, sed dividuntur aliquot sequentes lupam unam, et aliquot sequentes aliam. Lupi autem valde sunt mali quando habent filios propter timorem et custodiam liliorum, et similiter faciunt foeminae canum. Idem faciunt elephantes, silvestres : tempore enim coitus pugnant, et ideo dicitur, quod quando indi nutriunt elephantem foeminam et domesticant, non permittunt quod masculus accedat ad eam, quia in coitu quasi silvestris efficitur, et tunc diruunt domos debiles veteres et ruinosas, et alia multa mala damnosa faciunt.

Domestica autem animalia coitum frequcntentia saepius quam silvestria, non sunt adeo mala tempore coitus, sicut porci et canes, et praecipuo equae et vaccae. Equae autem plus aliis faeminis animalium desiderant mares, et ideo etiam aliorum animalium petulantia ad equarum nomen defertur, et ideo equam vocamus foeminam luxuriam appetentem, et dicimus eas esse anadomenas, hoc est, hinnientes, quia hinnitu proditur equae desiderium ad coitum : in proverbio enim Hesiodistarum dicitur, quod " In tempore coitus intrant in eas spiritus in concubitus, et multiplicantur in eis : " et ideo in tempore coitus mares a faeminis dividuntur : et si non dividerentur mares a faeminis in tempore Illo, accideret

morbus maribus ex spiritu resoluto a foeminis : et illo tempore foeminae superagantur in circuitu currentes. Tale quid autem etiam accidit porcis ex simili aegritudine ex vicinitate ad porcas. Praecipue autem accidit hoc porcis regionis Farkarim : tali enim spiritu clauso in matricibus et vuivis porcarum non ambulant ad Orietemvcl Occidentem, sed ad Septentrionem, aut ad Meridiem : et quandocumque hoc accidit eis, non dimittunt aliquem sibi appropinquare, quousque fugiant in locum remotum, aut intraverint mare ad se refrigerandum : et postquam in eis resederit hujusmodi spiritus, exit ex eis quiddam simile ei quod exit aliquando cum embryonibus, quod vocatur hiethomenem, quod interpretatur animal ingenii in necromantia a Graecis, a Latinis autem medicis necromanticis vocatur harpa, et est frustum sicut buffo formatum, et assimilatur stercori in substantia : et necromantici quaerunt ipsum prae omnibus ad plectendum animos foeminarum.

Tempore autem coitus anim alium unum applicatur alteri, et in descensu delectationis continue movent caudas, et mutantur in hoc tempore suae voces : ex desiderio enim plus vociferant et acutiori voce. A matricibus autem foeminarum currunt humores similes spermati : sed est subtilior humor spermate manis, sicut in omnibus sperma foeminae aquosius est spermate maris : et quaedam habent humorem decurrentem vocatum Graece fomerom, aut aquam spermaticam : sed non eodem nomine vocant sperma foemininum quod in partum convertitur : grave tamen est invenire hoc, eo quod foeminae talem humorem cum urina emingunt : sed humiditas haec eo quod desiderio coitus jam attracta est ad collum vulvae, ante urinam egreditur.

Vaccarum autem foeminae tempore coitus assimilantur maribus in hoc quod saltant super alias vaccas, ac si sint mares, et discurrunt ac si sint silvestres, ita quod quasi indomabiles sunt a pastoribus, nec in pascuis possunt contineri. Manifestantur autem desiderium coitus earum per tumorem inguinum et vulvarum, et per frequentes mugitus quos tunc emittunt : ante coitum enim quando sunt in desiderio coitus, mingunt vaccae : saltant etiam tunc supra tauros provocantes eos, et sequentes eos stant cum eis.

Equi autem foeminas secum pascentes cognoscunt ex odore, et praecipue quando sunt in concupiscentia, propter spiritum qui tunc egreditur ex ipsis : et cum plures conjuncti sunt, equus volens coire ejicit equam a comitatu equorum ante coitum modico tempore, et tunc equ sollicitantur ad equi concubitum. Adhuc autem unus equus lasciviens stabit aliquando cum equabus pluribus, cum quibus coire consuevit : et si aliqua foeminarum suarum adjungatur alii equo, praeliabitur primus cum illo et effugabit eum : et si revertatur, iterum denuo praeliabitur, nec cessabit nisi ejiciat eum vel eiiciatur ab ipso : quia primus equus dominum se reputat equarum sibi conjunctarum .

Similiter autem taurus qui ante tempus coitus solitarius pascitur, appropinquante tempore coitus, pascitur cum vaccis, et tunc praeliabitur cum omnibus tauris appropinquantibus. Tauri autem qui pascuntur in silvestribus et silvestres sunt, solitarii pascuntur, ita quod saepe latent per tres menses, quando non est tempus coitus ipsorum. Universaliter autem omnes mares illius generis quod multarum est specierum, sicut est genus bovis, sunt enim boves, et bubali, et uri et vuescendi, et boves barbati, et alia plura genera habent hoc proprium, quod separantur a foeminis et pascuntur solitarii nisi tempore coitus, et multa sunt talia de quadrupedidus silvestribus, quod quando mares veniunt ad aetatem perfectam, sollicitantur et pascuntur separati a foeminis, nisi quando volunt coire.

Porcae autem quando multum desiderant coitum, tunc moventur in tantum, quod accedunt ad homines : et hoc etiam

accidit aliis quibusdam foeminis animalium : et hoc genus concupiscentiae vocatur a necromanticis kakaran, quod sonat nodum aut vinculum spiritus : et desiderium hoc multum invalescens acuitur, vehementer quaerunt coitum, et exibit ab eis humidum quod praediximus hichomenem vocari, et est humiditas alba.

Aliquando autem etiam hujusmodi foeminis animalium accidit menstruum : non tamen secundum modum qui accidit mulieribus. Nulli enim omnino foeminae animalis accidit redeunte praeventione aut conjunctione solis et lunae, nisi mulieribus solis : sed oves et caprae aliquando menstruant ante coitum et ejiciunt modicum humidi menstruatis, et deinde cessant usque ad partum, et tunc ante partum incipit apparere : per quod etiam pastores cognoscunt instare tempus partus earum. In partu etiam ipso a multo menstruo evacuantur, ita quod partus totus est sanguinosus : sed aliis temporibus non apparet menstruum harum foeminarum animalium. Vaccae autem et asinae et equae multum evacuantur ex magnitudine corporis sui : in desiderio tamen coitus exit aliquando de vacca forte manus plena menstrui vel parum plus, et per hoc cognocitur instare tempus sui coitus. Partus autem equarum melior est et facilior et mundior omnibus partubus animalium quadrupedum.

Generaliter autem in omnibus foeminis superfluitates corporum sunt minus post partum in eis, quam ante partum, licet maxime per partum equae mundentur. Sicut autem in talium animalium foeminis paucum est menstruum, eo quod transit in magnitudinem corporis et pilos, ita etiam in masculis propter easdem causas paucum est sperma respectu quantitatis corporum ipsorum. Praecipue tamen in foeminis vaccarum et equarum apparet menstruum in quadrupedibus, et reditus suus non est quolibet mense, sed potius in quatuor aut sex mensibus, et parum distillat, et ideo difficulter hoc scitur nisi a pastoribus continue observantibus tempora earum, et ideo etiam opinio vulgi est has non menstrnare foeminas.

Mulae autem non menstruant omnino, sed purgantur urinae suae spissitudine. Universaliter enim superfluitas humida quae urina vocatur, a vesica quadrupedum descendens, muld est spissior, quam sit superfluitas humida vesicae hominis : et ideo purgantur plus per urinam quam homo. Urina vero asinarum e contra subtilior est quam urina asinorum : et urina vaccarum valde est acuta : et omne quadrupes habet urinam spissiorem post partum quam ante partum, et praecipue si menstruet cum urinae emissione. Sinai liter autem et lac primum quod est in principio coitus aut partus, est simile urina. Elongatum autem aliquantulum a partu est bonum.

Adhuc autem caprae et oves et vaccae pinguiores efficiuntur post impraegnationem.

Omne autem quadrupes ut in majori parte desiderat coitum in vere : tamen tempus coitus eorum diversatur secundum diversitatem locorum et pascuorum : quoniam in nostra habitatione Galliae et Germaniae tempus partus talium, est ante ver, et in principio veris : et tempus coitus eorum est in autummo per contrarium ejus quod dictum est : sed in locis calidis in quibus temperata est hiems, coeunt in pricipio veris et pariunt in autumno. Porci autem domestici per quatuor menses impraegnantur, et faciunt aliquando simul viginti filios ad. plus : sed quando tot pariunt, non poterunt omnes lectare. Licet autem antiquentur faminae, nihilominus pariunt simul multos : sed. tardatur tempus partus earum plusquam in juvenibus, et tardius appetunt coitum, neque omnes filios pariunt ex uno coitu, sed potius mares saepe saliunt foeminas, et post coitum aliquando exit ex appetitu quem kakaram vocavimus, id quod vocatur animal ingenii. Occasio autem diminuens vel

corrumpens foetum, vocatur ab Antiquis niarthuoron, quod est vitium matricis : et hoc accidit in qualibet parte matricis. Cum. autem porca peperit, primo nato filio dat mammam primam, et sic aliis filiis dat ordinate mammas, aliquando tamen hoc non accidit.

Adhuc autem porca quando multum appetit coitum, non dimittit saltare marem super eam, donec declinent auriculae ei, quia tunc incipit affluere sperma, et tunc sufficit ei semiconcubitus ad conceptum : et si porcae forte non descendit semen concubitus in delectatione quando descendit a masculo, motu corporis impedit descensum spermatis masculi, et retardat concubitum ut semina utriusque in concubitu conjungantur. Hordeum autem eo quod est inflativum, est bonus cibus masculo porci saltanti foeminam. Hordeum autem coctum est bonus cibus scrophis impraegnatis.

Adhuc autem quaedam porcae bonos pariunt porcos in juventute, quaedam autem non tunc, sed ineunte aetate perfecta. Quidam autem homines dicunt porcos mori, quando altero oculorum orbantur : et hoc frequenter et non semper contingit. Vita autem porci ut frequentius est viginti quinque annorum.