45. Ad sanctam Ursulam.

1. Ave, Virgo Ursula,

Generis regalis,
Non te carnis macula

Fuscat aliqualis,
In te tabernacula

Princeps Illocalis
Fixit, praebens oscula

Sponsi spiritalis.
2. Ave, primiceria

Victoriosarum,
Te undena milia

Ornant puellarum,
Tibi per martyria

Tot quidem sanctarum
Frequentantur gloria

Per orbem terrarum.
3. Ave, mundi dulcia

Quae aspernabaris,
Juste tympanistria

Agni nuncupans,

Christo multa milia

Martyrum lucraris,
Cum quibus In curia

Coeli gloriaris.
4. Ave, ecce sceleris

Me laedit ligamen,
Cujus quoque ponderis

Opprimit gravamen,
Praecurre prae ceteris

Ad meum juvamen,
Contra tela veteris

Hostis sis tutamen.

5. Ave, his temporibus

Quae surgis ut stella.
Occidentis partibus

Patrona novella,
Tuis piis precibus

Mortis fuga fella,
Me junge coelestibus,

O dulcis puella.