31. De sancto Stephano.

1. Salve, sancte domine,
Stephane levita,
Primus rubens sanguine
Pro coelesti vita.
2. Miles primicerius

Sub vexillo Christi,
Propter quem celerius
Proelium Inisti.
3. Levitarum ordine
Major exstitisti,
Plenus fortitudine
Fideque fuisti.

4. Plenus Dei gratia

Spiritu sigebas.

Signaque prodigia

Multa faciebas.

5. Zelo plebs Judaica
Frustra emulatur,
De lege Mosaica
Vincere conatur.
6. Sed dum nequit vincere
Verbis disputando,
Quaerit te dejicere
Falso criminando.

7. Sed de falso crimine
Vincis accusantes,
Tuitus tui lumine
Terres judicantes.

8. Necem Illis objicis

Christi, prophetarum,
Et In coelis adspicis
Vultum Dei clarum.

9. Jesum, Inquis, video
A dextris virtutis
Dei stantem, gaudeo
Nunc In spe salutis.

10. Tunc te unanimiter
Foras ejecerunt,
Impetu atrociter
Saxis obruerunt.
11. Sed pro lapidantibus,
Quos et tunc amabas,
Deflexis poplitibus
Deum exorabas.

12. Et sic tui nominis
Percipis coronam,
Tantique certaminis

Palmam praefers bonam.
13- Magnis et innummeris
Miris claruisti,
Consolamen miseris
Multis praestitisti.

14. Eja, nunc me respice,
Martyr Christi care,
Et In fide perfice,
Pro me deprecare.
15. Ut perfecte diligam
Cunctos adversantes,
Bonum semper eligam,
Revocem errantes.
16. Tandem clare videam
Deum majestatis,
Tecumque possideam
Regnum claritatis.