46. De sancto Ambrosio.

1. Salve, doctor eximie,
O Inclyte Ambrosi,
Tu ambra redolentiae,
Flos mellis dulcorosi.
2. Examen apum vultui

Incumbens te ostendit
Divino aptum cultui,

In altum dum conscendit.
3. Cum Mediolanensibus
Fit lis pro eligendo
Antistite, fit omnibus
Hic finis te .volendo.
4. Eligite Ambrosium,
Vox sonuit Infantis,
Consensus adest omnium
Et plebis acclamantis.
5. Torqueri jubes populos,
Adduci mulieres,
Ut sic a suo singulos
Conatu removeres.

6. Sed omnes tuum clamitant
Sit super nos peccatum,
Sic sumere te Incitant
Praefatum praesulatum.
7. Te noctu putas fugere
In urbem Ticinensem,
Ad portam mane prospere
Stas Mediolanensem.
8. Sed post hoc nihilominus
Latere conabaris,
Adhuc tu catechumenus
Inventus baptizaris.
9. Octavo die praesulis
In sedem sublimatus,
Ab Arianis populis
Es multum molestatus.

10. Quadrigam In exitium
Tuum quidam aptavit,
Quae Ipsum In exsilium
Ipso die portavit.

11. Bum angelum haereticus
Ad tuam aurem cernit
Loquentem, fit catholicus
Nec ultra fidem spernit.
12. Dum spatam dextra tolleret
In te quidam profanus,
Ut feriens occideret,
Exaruit mox manus.
13. Tu virgo, pius, humilis,
Tu carnis afflictivus,
Zelotes, largus, stabilis,
Tu lapsis compassivus.
14. Opponis te Injuriis

Per arma lacrymarum,
Tu sagax In sententiis
Disertor scripturarum.
15. Caput tuum operiens

Ignis, qui non flammabat,
Paulatim os Ingrediens
Vultum tuum albabat.
16. Defunctum te Infantuli,
Hi vident ascendentem,
Hi cathedratum parvuli,
Hi stellam effulgentem.
17. Da mihi, quaeso, fugere
Honorem hujus mundi
Da spiritus evadere
Temptamina Immundi.
18. Perfecte da respuere
Carnis oblectamenta,
Transacta mala plangere
Per gravia lamenta ;

19. Ut bonis plenus actibus
Sim capax gloriosi
Regni cum sanctis omnibus,
Praesta, sancte Ambrosi.