25. De sancta Scholastica.

1. Salve, virgo salutaris,
Salve, salve, puellaris
Forma, velut lilium

Pulchra, candens sicut rosa,
Salve, virgo speciosa,
Christi domicilium.

2. Sancta tu virtute multa
Intus, extra, es suffulta.

Ut In tuo nomine
Mox apparet Intuenti,
Cuilibet hic sanae menti

Cum videntur litterae.

3. Scholastica tu appellaris,
Et virtutum approbaris

Vere felix aemula.
Tu virtutes tam Immensas,
Tibi datas ac Impensas,

In me semper cumula.

4. S salutem monstrat vere,
Quam salutem me habere

Fac, o virgo, propere ;
Nam salutem potes dare
Omni, qui te vult amare,

Corporis et animae.
5. C constantiam signat In te,
Da constanter hoc, ut sim te

Paratus nunc diligere.
Tu beata mente tota
Sume mea, sume vota,

Da vitam hic corrigere.
6. O offerre hoc demonstrat,
Offer mihi, quod reportat

itam nunc peccantibus.
Virgo sancta, tu non mora,
Offer mihi In hac hora

Dona sancti spiritus.
7. L lugentem signat totum.
Me lugentem fac devotum

Tuo sancto nomini,
Tibi quod fideli corde
Et ab omni mundus sorde

Serviam laudabili.
8. A designat te amantem

Tuum sponsum ac laudantem

Per cuncta pie saecula;
Me amantem te non sperne,
Sed amantem te jam cerne

Tua sancta gratia.

9. S Importat sanctum pneuma.
Quo tu, sancta, eras plena
Vili In hoc saeculo;

De supernis hujus funde,
Felix virgo, et abunde
Mihi tuo famulo.

10. Tutrix tu per T vocaris,
Ut lux tua lux solaris,

Tuere me, sanctissima,
Et me luce Christi dita.
Ut virtute sit polita

Mea foeda anima.

11. J juvamen notat vere.
Me juvamen fac habere

Tuum de coelestibus,
Ubi fons est mentis vitae,
Ex hoc meus da ut mite

Madidetur spiritus.
12. C Importat castitatem,

Castam fac tu meam mentem

Totam sic. sic animam,
Ut sim castus, mundus totus,
Sponso tuo et devotus

Per te Christi famulam.
13. A te, virgo, adjutricem
Sanctam vere ac nutricem

Amanti tui nominis,
Me adjuva nec refuta,
Da, ut lingua mea muta

Christo sit amabilis.
14. Me petentem rogo, cara
Sponsa Christi o praeclara.

Ut me tuum foveas
Servum fidum ac devotum.
Et hoc comple meum votum.

Nec me nunc removeas.
15. Virgo, plena cum sis roris,
Coelici quoque saporis

Sponsi, Dei filii.
Tu de stillis hujus roris
Stilla stillam In his horis

Angeli consilii.
16. Qua sillante et replente.
Stilla stillam succedente,

Plenus sim de gratia
Ad legendum et orandum,
Intelligendum et docendum.
-------Virgo sancta propera.

17. Et quod peto, hoc non priver,
Rogo, sed hoc da, ut diter,
Mihi tuo famulo,

Ut cum Istis tuis donis

Merear supremis bonis

Frui futuro saeculo.