30. De sancto Marco.

1. Salve, pie sancte Marce,
Tu Petri discipulus,
Stantem fidei In arce
Te fidelis populus

2. Romae scribere precatur
Sacrum evangelium,
Quod a Petro approbatur
Coetuque fidelium.

3. Missus primum praedicasti

Verbum Aquilegiae,

Multum Ibi congregasti

Populum ecclesiae.

4. Tu causa humilitatis

Truncas membrum pollicis,
Ne attingas dignitatis
Gradum vel pontificis.
5. Sed a Petro destinatus
Venis Alexandriam,
Et In statu praesulatus
Tantam per te gratiam

6. Deus dedit Illi genti,

Ut non solum crederet,
Sed amore mox ferventi
Ad profectum tenderet.
7. Dum Intras calceamentum,
Ibi tibi rumpitur,
Et qui fecit supplementum,
Subula dum pungitur,
8. Unum Deam confitentem,
Credulum artificem,
Super populum credentem
Efficis pontificem.

9. Hinc Pentapolim pergebas,
Ubi per biennium
Verbum fidei spargebas
Pro salute gentium.
10. Post revertens a templorum
Tentus sacerdotibus,
Es ad loca buculorum
Fractus collo funibus.
11. Christus post hoc carceratum
Te dignatur visere,
Dicta poena strangulatum
Ad superna ducere.
12. Eja, sancte Dei Marce,
In me fidem robora.
Hostem a me atrum arce
Christoque concorpora.
13. Omnem a me pravitatem
Per te Christus auferat,
Boni actus pronitatem
Et virtutes conferat.
14. Tu me juva, ut mandata
Servem evangelica,
Et promissa Christi grata
Adipiscar coelica.