9. De Beata Virgine Maria.

1. Mater pia, mater dia,
Rei via, o Maria,

Ave plena gratia,
O tenella Dei cella,
Interpella pro me, mella

Da de coeli curia ;
Vitae porta mundo orta,
Me conforta, ne distorta

Me collidant otia,
Decus morum, vas honorum,
Fons hortorum, lux polorum,

Mihi sis propitia.
2. Ara Dei, salus rei,
Robur spei, cordis mei

O dulce praesidium,
Expers maris, stella maris
Praedicaris, stella paris

Solem, regem omnium ;
Omni laude digna, plaude,
Semper gaude meque claude

Tuum Intra gremium,
Mihi maesto nunc adesto,
Nam cor presto semper gesto

Tuum In obsequium.

3. Reparatrix, imperatrix.

Mediatrix, consolatrix,

Ave, virgo regia,

Generose, gratiose,
Gaudiose, virtuose,

Confer beneficia.
Urbs regalis, flos vernalis,
Fons vitalis, me a malis

Solve et miseria,
O optata advocata,
Mihi nata, mihi data,

Per te vincam omnia.
4. Imple bonis meum donis,
Quae In thronis Salomonis

Regnas, desiderium,
Rupta mora partem rora
Solve lora firmiora,

Quae trahunt ad vitium ;
Culpae faecem, mentis necem
Ut per precem tuam secem,

Da mihi auxilium,
Virgo clara, Deo cara,
Mihi para nunc In ara

Coeli aevum gaudium.

5. Ave rosa speciosa,
Veterosa et exosa

A me fuga odia,
Spes reorum, pes claudorum,
Lux caecorum, os mutorum,

Da, ut spernam noxia.

Honor regis, amor legis,
Si me regis, vivi gregis
Me duc ad convivia,

Pio ductu sine luctu,
Tuo fructu, me jam duc tu,
Ut fruar In patria.