16. Ad sanctum Andream.

1. Ave, o sancte Andrea,

Mea tu fiducia,
Crucifixum ab Aegea

Te laudat Achaia,
Assiste mihi, letea

Ut evadam otia,
Et flagret semper mens mea

Ad devota studia.
2. Ave, qui ex corde crucis

Optasti suspendium,
Filius ut fiam lucis,

Praebe adjutorium,
Vincam tua prece ducis

Tenebrarum gladium,
Tutus ero, si conducis

Me ad palmae bravium.
3. Ave, qui vadis festine

Crucis ad supplicia,
Para gratiae divinae

Mihi beneficia,

Stem valenter sine fine

In Christi militia,
Nulla fraudis sathauinae

Me laedat malitia.

4. Ave, crucis sine mora

Qui scandis patibulum,
In quo biduana hora

Docuisti populum,
Me duc ad salutis fora

Per myrrhae fasciculum,
Ut detur a Deo hora

Vitae mihi epulum.
5. Ave, qui crucis trophaeo

Jungeris coelestibus,
Peccatori mihi reo

Tuis adsis precibus,
Asta praesto fini meo

Cum supernis civibus,
Post mortem regnem cum Deo

Aeternis temporibus.