17. De sancta Clara.

1. Ave prudens et divina,
Mente tota columbina,

Clara venerabilis,
Agni Dei magni clara,
Sponsi summi sponsa cara,

Omnibus laudabilis.
Virtutum praefulgens gemma.
Decorata quippe stemma,

Pulchra magis specie,
Emicasti plus sophia,
Magis fide, virgo pia,

Excellens gratia.
2. Quc cum rege regum gaudes,
Has devotas sume laudes,

Virgo beatissima,
Memor esto, precor, mei
In conspectu summi Dei,

Sponsa Christi optima.
Ad me aurem et Inclina,
Virgo, tuam nec declina

A me tuo famulo,
Sed de coelis jam dignare,
Mihi gratiam donare

Omni atque populo.
3. Castitatis vas electum,
Fac me Deo vas perfectum,

Mundans me a sordibns,
Ut det mihi castitatem
Nec non mentis puritatem,

Tuis ora precibus.
In procella piscis more
Tu vixisti In labore,

Pulchra Sion filia,
Declaratum sidus mundi,
Victrix freti tam profundi,

Christo me concilia.
4. Ebur candens cum saphiro
Radians In mundi gyro,

Ora pro me Dominum
Vitam meam fac tranquillam,
Ut rapacem vitem Scyllam,

Voratorem hominum.
O columba speciosa,
Clara, virgo gratiosa,

Digna stirps et domina,

Caritate me egenum
Dita, munda sorde plenum

Tua per precamina.
5. Coeli vernans margarita,
Virgo labe non attrita

In hoc vili saeculo,
Virgo felix, praeelecta,
Nato viinis dilecta,

Ora pro me sedule,
Qui te fecit thronum suum,
Concupivit vultum tuum

Prae multis viinibus;
Gratiosum mihi Deum
Fac et dona, ut per eum

Concordem fidelibus.
6. Decus mundi, virgo pura,
Hostis rumpe lora dura,

O laudanda Domina ;
Norma morum honestorum,
Spes et salus peccatorum,

Nobis da solamina.
Ora Deum pro peccatis
Omnis Christianitatis,

Ut donentur singula ;
Me commendo Deo caeli,
Tua prece cum fideli

Solvens mea vincula.
7. Corpore vere putresco,
Anima atque sordesco

Scaenis In veteribus,
Ergo In me dele notam
Scaeni, meam vitam totam

Purga a sceleribus,
Quae In me nimis creverant,
Quae et certe privaverunt

Donis me coelestibus;
Ob hoc meam purga vitam,
Animam et fac politam

Multis cum virtutibus
8. Clara, virgo veneranda,
Mihi adsis In horrenda

Hora et saevissima
Meae mortis ad solamen
Animaeque ad tutamen

Prece suavissima.

Praevia te mihi, peto,
Ut sis, virgo, vultu laeto

Ante thronum Domini,
Judicis districti, veri,
Irati atque severi

Misero tunc homini.
9. Claustrali poena consumpta
Requiei es assumpta

Mox beatitudinis,
Aeternae, ubi nunc gaudes
Infinitas audis laudes

Omnis multitudinis
Sanctorum archangelorum,
Angelorum et thronorum

Ac sanctarum virginum,

Principumque confessorum,
Martyrum atque doctorum

Ac sanctorum omnium.
10. Ubi sponsum tuum vides,
Cum quo semper vere rides

Semper et Intueris,
Ejusque cum Deo patre
Sua benedicta matre

Pace bona frueris.
Hunc, Clara, me fac videre
Atque secum congaudere

Et Maria virgine,
Regnum suum possidere,
Sibi semper commanere

In coelesti culmine