41. Ad sanctam Cunigundem.

1. Ave, virgo regia,

Dulcis sponsa Christi,
Cunigundis, vitia
Quae gaudens vicisti,

Tu delectabilia
Mundi abjecisti,

Cum dulci fiducia
Christum Induisti.

2. Ave, Sion filia,

Te Christus salvavit
Carnis ab Infamia,

Qua te maculavit
Daemonis nequitia,

Sed eum prostravit
Tua Innocentia

Atque superavit.

3. Ave, candens lilium,

O dulcis regina,
Honoris triclinium,

Rosa sine spina,
Mihi In subsidium

Gaudenter festina,
Et a malignantium

Custodi ruina.

4. Ave, virgo, dulcior

Quae es favo mellis
Cordi meo, clarior

Universis stellis,
Tu mihi es gratior

Prae sanctis puellis,
Salva me, nam morior

Mundi In procellis.

5. Ave, gaudes titulo

Quae virginitatis,
Intuere oculo

Me nunc pietatis,
Solvar adminiculo

Tuo a peccatis,
Victo mortis vinculo

Conregnem beatis.