5. De B. M. V. et S. Johanne ev.

1. Salve, mater salvatoris,
Vas electum, vas honoris,

Vas coelestis gratiae,
Ab aeterno vas provisum,
Vas Insigne, vas excisum

Manu sapientiae.
Salve, mater benedicta,
Nostra dele nunc delicta

Atque munda labia
Cum propheta Jeremia,
O Maria, mater dia,

Vanaque praecordia

2. Cum Johanne sine mora
Melle large, praedulcora

Deitatis gratia,
Ut de te et hoc amico
Christi caro et pudico

Cordis excellentia,
De Johanne hymnizare
Queam digne et laudare

Vos In Isto carmine ;
Hinc ex alto subvenite
Et me confortate mite

Sacro cum spiramine.

3. Vos saluto toto corde,
Licet maculatus sorde,

Sed cessare nequeo
Salutando collaudare,
Sed laudando salutare

Glisco quantum valeo.
Cristus cunctis vos providit,
Quos ferus hostis praescidit

Sua cum malitia,

Et praeire, fecit Illos
Magnos vero ac pusillos
Vestra pia gratia.

4. Unde vos columnae certae,
Per desertum quae aperte

Praeierunt patribus,
De Aegypto qui venerunt
Et se terris miscuerunt

Mel et lac habentibus.
Quae lucebant sine mora
Eis quippe omni hora,

Diebus ac noctibus
Omnibus et Illustrabat,
Lucem bonis ministrabant

Atque murmurantibus.

5. Sic columnae praelucentes
Estis atque emicantes,

Lucem dantes omnibus,
Nulli certe denegatis
Lucem vestrae pietatis

Sed datis petentibus.
Nunc me vestrum servitorem
Attendatis ad amorem

Mei, dilectissimi
Tui, sancta mater, nati
Tuumque et adoptati

In cruce carissimi.

6, O columnae delicatae,
Praefulgentes, consternatae

Super bases aureas,
Quae politae, exquisitae
Redimitae, praefulcitae,

Mentesque virgineas

Christus vos coadunavit
Ista hora, quando lavit

Passione saeculum,
Mater tuus, cruce pendens,
Natus; ecce, tua, dicens,

Mater, ad discipulum.
7. Me vobis coadunate,
Pia mater, adamate,

Tu et Iste filius,
Nec a vobis separate,
Sed me cito copulate

Vobis In coelestibus.
Architector collocavit
Super vos, qui fabricavit

Solo verbo saeculum,
Magnae suae bonitatis
Cunctis malis maculatis

Pium habitaculum.

8. Ut salvetur In hac domo
Et servetur omnis homo,

Qui ad hanc confugerit,
Quali morte monendus,
Quali poena puniendus,

Ni ab hac recesserit.
Auro fulvo hanc vestivit
Ab aeterno, quam nutrivit

In paterno gremio,
In verbo, quod similavit
Sibique coaeternavit,

Incarnato filio.
9. Tandem, virgo, destinavit
Tibi hunc, qui deauravit

Sua te praesentia,
Qui Johannem et vocavit,
Quem et tibi commendavit

Crucis sub adstantia.
Per hanc dulcem vocem nati,
Qua fuistis adunati

Pii alter altero,
Me commendo vobis laete,
In custodia habete

Me, posco, de cetero.
10. Eja, mater, virgo pia,
Cum Johanne In hac via

Ambo me defendite

Ab omni hoste molesto,
Occulto et manifesto,

Et mihi concedite
Pium vestram consolamen
Atque forte adjuvamen.

In necessitatibus.
In eis nam me semper laedun
Hostes tres, qui se succedun

Omnibus temporibus.

11. Nam me furens Satan laedit,
Quem caro mea succedit,

Mundus cum blanditiis,
Mala mihi suggerentes
Atque denuo privantes

Aeternis divitiis.
Quorum ars est Infinita,
Mea mens et imimunita,

Subvenite propere,
Ne me mergat In peccatis
In profundum cum damnatis

Et me damnet misere.

12. O regina pia coeli,
Tu Johanne cum fideli

Digneris succurrere,
Ternos Istos nimis fortes
Atque meos saevos hostes

Nunc a me repellere
Scelus meum atque grave ;
Ad te clamo exsul Evae

Cordeque vociferans
De hac valle lacrymarum
Plenaque miseriarum

Et frequenter ejulans.
13. Et a me vultum non verte
Sed pie ad me converte,

Ut post hoc exsilium
Possideam Dei regnum,
Tecum videam benignum

Jesum, tuum filium.
Tua bracchia extende,
In extremis apprehende

Pia meam animam,
Ipsam sola conducendo
Super omnes jubilando

Coelestem ad patriam.