CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Ave, salve, gaude, vale,
O Maria, non vernale,
Sed his rosis spiritale
Tibi plecto nunc crinale
Figurarum flosculis.
Ave virgo, sponsa, nata,
Mater Christi sublimata,
Ab aeterno ordinata,
Ab antiquo prophetata,
Dei placens oculis.
2. Ave rosa delicata,
Quae, de regum ramis nata,
Es trans coelos exaltata,
Et per mundum dilatata
Sis nobis umbraculum.
Ave coelum deitatis,
Paradisus voluptatis,
Aula summae majestatis,
Templum sanctae trinitatis,
Christi tabernaculum.
3. Ave sponsa dedicata,
Paranympho salutata,
Deo patre obumbrata,
Pneumateque impraegnata.
Genitrix vexbigenae
Ave virgo gravidata.
Rubo Moysi signata,
Igne sacro Inflammata.
Per te simus, advocata,
Coelici indigenae.
4. Ave mater Salomonis,
Digna sceptris et coronis.
Digna summis nati donis,
Quae In coeli regnas thronis,
O regina gloriae.
Ave vivus fons hortorum,
Quem mens sitit contritorum,
Lava labem peccatorum,
Nectar praebe supernorum,
O pincerna veniae.
5. Ave clara stella maris,
Qua processit lux solaxis,
Quae per montem designans,
Unde lapis angularis
Venit sine manibus.
Ave fulgens arca Dei,
Cujus nitor speciei
Lucem superat diei,
Tota virtus meae spci,
His Intende precibus.
6. Salve campi flos, qui miris
Signis fulges, dum oriris,
Mox a tuis dum sentiris,
Favum mellis elargiris,
Dos divini muneris.
Salve arcus aerinus,
Colorosus non supinus,
Clare lucens, vespertinus
Quem Illustrat sol divinus,
Stans In signum foederis.
7. Salve o columna Ignis,
Nec non nubes miris signis
Nos educens a malignis
Per desertum, junge dignis
In promissa patria.
Salve virga Jesse, florem
Fers, qui coelis dat odorem,
Tibi, virgo, fert decorem,
Suavem terrae dat dulcorem,
Profugantem vitia.
8. Salve mater benedicta,
In qua nulla sunt delicta,
Evae jugo non adstricta
Nec In partu es afflicta,
Sed enixa jubilans.
Salve humilis ancilla
Dei veri, quem pusilla
Tua lactas ex mamilla.
Luce frui fac nos Illa,
In qua fulges rutilans.
9. Salve virgo singularis,
Mater tamen miri maris,
Unde sola expers paris
Digne cunctis dominaris
In supremo solio.
Salve Saba generosa
O regina gloriosa,
Dona regis pretiosa
Impertire gratiosa
Nobis In exsilio.
10. Salve, cui dulce fari,
De qua pium meditari.
In qua suave jucundari,
Quam beatum amplexari
Est amoris brachiis.
Salve speculum virtutum,
Sis certanti mihi scutum.
Hostem reprimens versutum,
Mole carnis me exutum
Coeli junge gaudiis.
11. Gaude, cujus ob dulcorem
Cor liquescit per amorem,
Hinc affectus ad candorem
Mens discurrit post odorem
Tuum, vernans lilium.
Gaude thronus, quem dum
stravit,
Ebur candens adaptavit,
Auro fulvo decoravit
Deus, In quo collocavit
Regem suum filium.
12. Gaude lampas, quam exstruxit
Deus orbi, quae dum luxit,
Nova nobis tunc Illuxit,
Quae ad lucem nos reduxit
Lux Inexstinguibilis.
Gaude summa creatura,
Mater vera, virgo pura,
Quae naturae frangis jura,
Quando In te fit factura
Factor admirabilis.
13. Gaude fructuosa tellus,
Madens Gedeonis vellus,
Quod perfudit ros novellus,
Quo vestitur et agnellus,
Dei patris unicus.
Gaude gaudium sanctorum,
In qua gaudet rex coelorum,
Quam honorat plebs justorum,
Quam in aevum angelorum
Cantus canit melicus.
14.
Gaude stellis coronata,
Solis luce trabeata,
Sub qua luna est locata,
Semper manens Illibata,
Cingens virum femina.
Gaude schola disciplinae,
Glossa legis, fons doctrinae,
Vas coelestis medicinae,
His, quos culpae pungunt spinae,
Funde medicamina.
15. Gaude, virgo, laetans plaude,
Et sic vitam nostram claude,
Ut, qui dicunt tibi gaude.
Semper tecum sint In laude
In coelorum culmine.
Gaude, quia semper tecum
Deus manet et tu secum,
Per quem precor, ut sis mecum
Et cor meum lustres tecum
Tuitus tui lumine.
16. Vale florens et amoena,
Ante ortum luce plena,
Sed In ortu plus serena,
Quam non stringit gelu poena,
Puritatis viola.
Vale virga aridosa
Aaron prodigiosa,
Fronde, flore germinosa,
Fructu valde speciosa,
Proferens amygdala.
17. Vale urna, manna meram,
Panem coeli portans verum,
Qui conservat cor sincerum
Et In fine est dierum
Omnibus sufficiens.
Vale vitis, quam plantavit
Pater, verbum fecundavit,
Lenis auster dum perflavit
Botrus Cypri pullulavit
Mero nos reficiens.
18. Vale rubens et decora,
Veri solis tu aurora,
Clare fulges omni hora,
Visitando nos irrora,
Suavitatis balsamus.
Vale thorus delicatus,
Manu Dei fabricatus,
Dei digito tornatus,
Christo sponso praeparatus,
Castitatis thalamus.
19. Vale prudens advocatrix,
O Abigail placatrix,
Sola mundi reparatrix,
Moabitis Ruth oratrix,
Sunamitis regia.
Vale pulchra Judith fortis,
Neca ducem trucem mortis,
Hester nos de mortis portis
Duc, ut simus tuae sortis
In coelesti curia.
20. Vale semper et laetare,
Et quod digne collaudare
Te nequimus, hoc dignare
Tu pro laude acceptare,
Laus humani generis.
Vale, virgo, tibi clamo,
O Maria, nam te amo,
Pietatis tuae ramo
Solve me de mortis hamo
Collocans In dexteris.
21. O Maria, dulcor florum,
Virtus myrti, arx cedrorum,
Vis malorum punicorum,
Cella fragrans unguentorum,
Cellaque vinaria.
O Maria, flos rosarum,
Cinnamomi, olivarum,
Nardi Cypri ac palmarum,
Myrrhae, thuris, fistularum
Vincis pigmentaria.
22. O Maria, clausa porta,
Clausus hortus, nos conforta,
Tu de stirpe regum orta,
Paradiso nos reporta,
Virginum primitiae.
O Maria, mellis crater,
Te elegit Deus pater,
Ejus nato ut sis mater,
Qui per te est nobis frater,
O inventrix gratiae.
23. O Maria, regis veri
Virga aurea Assveri,
Iram judicis severi
Scis lenire, ut mederi
Malit quam percutere.
O Maria Insignita,
Turris David praemunita,
In supremo coeli sita,
Per te cohors sit contrita,
Quae nos cupit laedere.
24. O Maria, tu sublimis
Scala coeli, pressos nimis
Duc In altum nos ab imis,
Copulando nos opimis
Supernorum civium.
O Maria, sponsa dia,
Quam coelestis hierarchia
Jugi laudat symphonia,
Audi preces, mater pia,
Tibi supplicantium.
25. O Maria, semper ave,
Sertum hoc ne ducas grave,
Summum Christi tu conclave,
Te ut laudem, mihi fave
Perpeti memoria.
O Maria, recreamen,
Placa patrem, natum, flamen,
Ut finale post examen
Sanctis nos conjungat, amen,
In superna patria.