23. De sancta Margareta.

1. Ave virgo, Christo grata,
Margaretha quae vocata

Parentum eulogio,
Ave rosa sine spina,
Vulnerato medicina

Semoto ambigio.
Ave virgo generosa,
Margaretha, speciosa

Deitatis gratia,
Ave, cuncto te quaerenti
Et sincere diligenti

Multa fers solatia.

2. Ave dulcis advocata,
Coeli serto coronata

Ad Instar carbunculi,
Ave, digna, tu videre
Salvatorem tuum mere

Da sub forma parvuli.
Ave moestorum solamen,
Miserorumque levamen

Mortis et naufragii,
Meruisti, virgo pura,
Subvenire tu procura,

Ne damnemur Impii.

3. Area cum sis virtutum,
Fer nobis salutis scutum,

Cum decus sis humilium,
Castitate adornata,
Stirpe namque procreata

Parentum sublimium.
O quam virgo cruda multa
Pertulisti, sic suffulta

Sacro sub umbraculo,

Unde decus magnae laudis
Datur tibi, honor grandis

Sponsi adminiculo.
4. Tunc et multa Impetrasti,
Ictum mortis dum spectasti

Olybrii Imperio.
Mulieres parientes
Nomen sanctum Invocantes

Tuum In exitio,
Atque omnes infamati
Paupertateque gravati

Saecli et periculo,
Sciant cuncti assistricem
Dignamque te adjutricem

Quovis In articulo.
5. Cunctis das In fine vitae,
Rogo, ejus hoc audite

Colentes memoriam,
Peccatorum tersionem,
Veram cordis punctionem,

Post das coeli gloriam.
Observanti tuum nomen
Per te virgo datur omen,

Mala cuncta fugere,
Et concedis fidem rectam
Caritatemque perfectam

Spemque firmam tenere [sic].
6. Eucharistiae ducamen,
Contra hostis oblectamen

Largaque conductio,
Hoc condonet, qui est trinus,
Cum hoc vere est et unus,

Evastantis cautio.

Sancta virgo Margaretha,
Sponsa Christi et athleta,

Ora pro me Dominum,
Precor tuam pietatem
Et Immensam bonitatem,

Salvatorem omnium,
7. Ut In mea paupertate,
Corporis necessitate

Digneris succurrere,
Quae me premunt et me laedunt,
Mala multaque succedunt;

Surge virgo propere,
Et non sinas me perire,
Cum hinc grave sit transire

A mundi exsilio,
Omni vero scelerato
Nequiorem approbato,

Junge Dei filio.
8. Et lucis noctisque hora
Pro me Christum tu exora,

Cum fidelis Domina

Sis devotis tibi notis

Et applaudis his In votis ;

Tu me Christo nomina,
Tuo sponso benedicto.
Ut me mundet a delicto,

Quod me premit graviter.
Ipsum ora et Implora,
Virgo sancta, sine mora,

Hunc placa suaviter.

9. Ut sic Ipsi appropinquant,
Omne quoque malum vincam

In hoc vili saeculo,
Et a scaenis mundus totus
Sim contritus et devotus

Cum fideli populo,
Ut post miserum hunc statum
Tecum summi patris natum

In supremo solio
Tunc contempler et beatis
In conspectu deitatis

Summo cum tripudio.