30. Ad sanctum Gregorium.

1. Ave, gemma praesulum,

Gregori beate,
Exemplar et speculum

Vitae illibatae,
Cordis mei vasculum

Reple castitate,
Ne per carnis vinculum

Liger voluptate.
2. Ave, coeli fistula,

O doctor Angloram,
Caritatis facula,

Decens norma morum,
Ne me necet macula

Criminum meorum,
Placa per oracula

Principem polorum.

3. Ave, sancti spiritus
Organum jucundum,
Verbo tibi coelitus
Dato ditas mundum,

Rogo te medullitus,

Ut me Infecundum
Deo reddas penitus

A peccatis mundum.
4. Ave, summe pontifex,

Qui Dei servorum
Servus es et opifex

Operum piorum,
Non me mille-artifex

Fraudet, dux malorum,
Sed ut sim virtutifex

In coetu justorum.
5. Ave, fulgens saeculo

Stella matutina,
Omni datus populo

Hora vespertina,
Levans me de stabulo

Et culpae sentina,
Coeli habitaculo

Angelis conbina.