38. De sancto Georgio.

1. Salve, fortis miles Christi.
O Georgi nobilis.
Cui fide adhaesisti
Firma mente, stabilis.

2. Transiens, athleta bone,
Libyae provinciam
Pugnam geris cum dracone.
A quo regis filiam

3. Populumque eruisti,

Quam flatu Infecerat.
Et ad fidem convertisti.
Qua male corruerat.

4. Cum fideles per tormenta
Cerneres deficere
Idolorumque portenta
Prae timore colere,

5. Cunctos deo paganorum
Asseris daemonia,
libens dura tormentorum
Sustines supplicia.

6. Nam membratim laniatus
Es et ustus facibus.
Sed per Christum consolatus
Luce, verbis dulcibus.

7. Quidam tibi dum praeberet
Toxicum maleficus.
Vidensque, quod nil noceret
Tibi, fit catholicus.

8. Te tyrannus super rotam
Gladiosam statuit.
Quam divina virtus totam
Mox rumpendo destruit.

9. Tunc te jussit volutari
In liquore plumbeo.
Quo te sentis delectari
Velut dulci balneo.

10. Tunc promissis te hortari
Studet et blanditiis.
Spondes, velle venerari
Deos, sacrificiis.

11. Plebe ergo praeatolante.
Quae gaudenter adfuit.
Et te Christum exorante
Ignis vorax Irruit

12. Et consumpsit deos vanos
Templumque comminuit.
Sacerdotes ac profanos
Terra sic absorbuit.

13. Tunc per civitatem tractus
Capite mox plecteris.
Martyr Christi, regnum nactus
Ad superna veheris.

14. Eja. martyr gloriose.
Me In fide robora.
Per te Deus gratiose
Mea regat tempora.

15. A dracone Infernali
Salvet me finaliter,
Ne me morsu gehennali
Cruciet perenniter.

16. Sed ab omnibus ereptus
Malis tibi socier,
Coeli gloriam adeptus
Summis bonis satier.