28. De sancta Elisabeth.

1. Salve venerabilis,
Mitis et benigna,
Omnibus laudabilis,
Omni laude digna,

2. Multis cum virtutibus
Christus te dotavit,
Nomen tuum hodie
Mire dilatavit.
3. Est effusum saeculis

Tuum sanctum nomen,
Ipsum Invocantibus
Pure quod est omen,
4. Ut Id semper invocem,
Mihi da, beata,
Et te semper diligam,
Summi regis nata.
5. Per te ut experiar
Omen pietatis
Tuae atque filii
Summi Dei patris.
6. Elisabeth sanctissima,
Felix et beata,
Tua propter opera
Eras Deo grata.
7. Ipsa mirabilia

Satis nam fuerunt,
Quae nec mentes hominum
Nec oculi viderunt.

8. Nam in matrionio
Balneo mundasti
Leprosum immundissimum
Et lecto locasti,

9. Quem In signum Domina
Tuae sanctitatis,
Mox mutavit Dominus
In locum voluptatis.
10. Rosae sunt pulcherrimae
Inventae In lecto,
Coelitus quae datae sunt
Tuo a dilecto.
11. Lectulum cubiculi
Pravi cordis mei,
Sterne cum virtutibus
Peccatoris rei.

12. Viri tui post obitum
Totum reliquisti,
Quidquid dotis nomine,
Sancta, possedisti.
13. Christum sequens pauperem
Sed non corde tristi,
Ejus evangelio
Obediens fuisti.

14. Vitam voluntarie

Pauperem portasti,
Per domos quotidie
Victum mendicasti.
15. Me fac mundum, Domina,
Corde devitare
Et sic vitam pauperem
Summe adamare,
16. Mater felicissima,
Scrinium dulcoris,
Quippe tu plenissima
Coelicique roris.

17. Irroravit coelitus
gratia divina
Pectus tuum numinis,
Servans a ruina,

18. Quo irroras aemulos
Tibi servientes,
Implens ex hoc vacuos,
Pie te petentes.

19. Hujus, sancta Domina,
Coelici tu roris
Digneris Infundere
Mihi In his horis,

20. Et de hac dulcedine,
Sancta, tu propina,
Quae me hic Inebriet,
Ne mergat sentina.

21. Te collaudant pauperes
Matrem paupertatis,
Amatricem nobilem
Hospitalitis,

22. Sed ut Ipsos pascere
Posses, hospitale,
Sancta, tu construxeras
In quo maternale
23. Ipsis exhibneras
Pie ministrando
Subsidium languentibus,
Cibum, potum dando,

24. Vagos atque debiles
Semper hospitando,
Caecos, claudos, pauperes,
Nudos vestiendo,
25. Cicatrices, capita,
Scabiem lavando,
In his ut nobilibus
Gemmis delectando.

26. Sancta, mea vulnera
Sana peccatorum
Atque munda scabiem
Meorum delictorum.

27. Per te evangelicum
Christus Innovavit
Proprium miraculum,
Nunquam quod donavit

28. Patribus sanctissimis,
Mira quae fecerunt,
Testamenti veteris,
novi qui fuerunt.

29. Ex materno utero
Tu illuminasti
Caecum, quo miraculum
Christi innovasti.

30. Sic me caecum, Domina,
Tu Illuminare,
Sanctis et virtutibus
Ditare dignare.

31. Ut In coeli semitis
Non queam errare,
Deviantes semitas
Omnes devitare.

32. Tempus tui obitus

Cum appropinquaret,
Ut de coelo Dominus
Christus te vocaret

33. Escas ad lautissimas,
Quas Ipse paravit
Omnibus coenantibus,
Ad se quos vocavit,

34. Te vocavit nomine

Dicens: Praedilecta
Elisabeth, mi famula,
Veni In electa

35. Coeli tabernacula

Mecum congaudendo,
Patris mei faciem
Meamque videndo,

36. Et per cuncta saecula
Nobiscum regendo,
Quia me In saeculo
Amabas sequendo.

37. Ubi regnas Domina
Tuo cum dilecto,
Jesu Christo Domino,
Sponso et electo,
38. Coeli quoque Domino,
Patre sancto ejus,
Gaudens sine termino
Unitate spiritus.

39. O dilecta domina,

Fac me post hanc vitam
Inire tecum coelicam
Multis redimitam,

40. Ubi sunt deliciae
Copiosae vere,
Maxime sed omnium
Videtur esse merum

41. Speculari Dominum
Nostra In natura,
Quem ut possim cernere
Vita da futura.