10. De eadem super Ave Maria.

1, Ave, o puerpera,

Flos virginitatis,
Praedulcis Christifera,

Fons jucunditatis,
In succursum propera

Nobis tribulatis,
Pacis affer munera,

Solve a peccatis.

2. Maria, quae domina

Es universorum,
Placa per precamina

Regem supernorum,
Dele, terge crimina

Tuorum servorum,
Scribe nostra nomina

In coelo coelorum.

3. Gratia sufficiens,

Coeli bierarcbia,
Miseros reficiens,

Dulcis, lenis, pia,
Te vocat deficiens,

Dum cadit In via,
Ad te clamat sitiens,

O dulcis Maria.

4. Plena donis gloriae,

Gratiae, naturae
Es, ut dicunt varie

Leges et seripturae,
Fer humanae sauciae

Opem creaturae,
Ut sit haeres patriae

Nunquam transiturae.

5. Dominus te vestibus
Induit decoris
Et varietatibus
Vitae purioris,

Da, ut Ipsum passibus
Sequamur amoris,

Salva a laboribus
Aeterni doloris.

6. Tecum regum Dominus,

O felix puella,
Cur nos fugis eminus,

Quos collidunt bella,
Veni, veni cominus,

Stilla pacis mella,
Salva nihilominus

Mortis a procella.

7. Benedicta, Ulium

Quae es castitatis,
Veni In auxilium

Nobis tuis natis,
Vince tuum filium

Prece pietatis,
Ut post hoc exsilium

Simus cum beatis.

8. Tu In mulieribus

Sola expers paris,
Clarior sideribus

Stella solem paris,
Quae prae sanctis omnibus

Plus auxiliaris,
Junge coeli civibus

Nos, o stella maris.

9. Benedictus filius

Tuus, o sacrata,
Nostra ob te mitius

Detergat peccata,
Conculcetur fortius

Passio Innata,
Dentur nobis ocius

Gaudia beata.

10. Fractus tuus, regia

Virgo et decora,
Veniat de regia

Poli absque mora,
Dona, det cum venia

Nobis gratiosa
Tua per suffragia,

Rutilans aurora.

11.Ventris tui solium
Christus cum subivit,
Reis In refugium
Se carni univit,

Contra nos daemonium

Saeviens contrivit
Et contra exitium

Nos per te munivit.
12. Tui nati gratia,

Stella matutina,
Nos victos per omnia

Fraude sathanina
Fulci, tolle vitia,

Virtutes propina,
Tibi laus et gloria,

O coeli regina.