47. De sancto Augustino.

1. Salve, beate Domine,
Antistes Augustinus,
Actus claret ex nomine,
Nam auctor es divinus.

2. Doctrinae licet fueris
Erroneus gentilis,
Eras tamen prae ceteris,
Ingenio subtilis.
3. Sed pia mater Monica
Te plurimum deflebat,
Imbuere catholica
Te fide satagebat.
4. Pro scholastriae artibus
Venis Mediolanum,
Ubi te ab erratibus
Verbum Ambrosianum
5. Cito retraxit penitus,

Et ex tunc hortabaris
Diversim, donec coelitus
Perfecte mutabaris.
6. Baptismate te abluit

Et "Te Deum laudamus"
Ambrosius concinuit

Tecum, quod hymnizamus
7. Hinc mundi pompam despicis,
Dei plenus amore,
In psalmis, hymnis, canticis
Tu fiebas prae dulcore.
8. Ad Africam hinc rediens
Deo, tibi vacabas,
Discipulos erudiens
Tu plurima dictabas.

9. Tu volas ad sublimia
Unius Dei trini,
Tu scriptitas subtilia,
Auctor cultus divini.
10. Tu regulam Instituis,
Sacerdos ordinatus,
Canonicos Instituis
Ejusdem coenobatus.
11. Pontifice Valerio

Cedente es creatus
In praesulem Hypponio;
Virtute solidatus

12. Ut malleus haereticos
Tu feriens fugabas,
Tu fidei catholicos
Ut murus defensabas.
13. Tibi frugalis, singulis
Pius, Deo devotus,
Actis, scriptis, miraculis
Es orbi toto notus.
14. Precor, precare hodie

Trinum et unum Deum,
Ut pie, juste, sobrie
Vivam collaudans eum.
15. Ut appetam coelestia,
Despiciam terrena.
Cuncta detester vitia,
Ne vexet ultrix poena.

16. Pro posse tua exsequar
Exempla, documenta,
Et, quibus gaudes, consequar
Coeli jucundamenta.