24. De sancta Martha.

1. Ave, virgo venerabilis
Christoque praeamabilis,

Martha speciosa,
Te virtutibus ditavit,
Qui ventis, mari mandavit.

Largitate gloriosa
Hospitalis tu fuisti,
Doctorem tu suscepisti

Omnis verae gratiae,
Saepe Ipsum nutrivisti,
Toto corde dilexisti,

Qui dux pudicitiae.

2. Suscepisti veram regem,
Qui bis novam dedit legem,

Qui coelum volunt capere;
Hanc legem, quam mundo dedit,
Omnis ei qui obedit,

Potest bene vivere.
Circa hujus occupata
Eras, sancta, nec gravata

Frequens ministerium,

Cui famulabatur chori
Et honores regit poli

Regis regum omnium.
3. Propter hoc te reamavit
Nec tibi quid denegavit,

Quod tu postulaveras;
Fratrem tuum suscitavit,
Quem mors ense dira stravit

Et tu sepelieras.
In peccatis me adultum,
Induratum et sepultum,

Virgo, tu vivifica,
Nec me sinas tunc perire,
Et eum dies venit irae,

Pro me Christo supplica.
4. Foetentem quatriduanum
Omnique virtute vanum

Christo reconcilia,
Ut resurgam a peccatis,
Totus mundus cum mundatis,

Summi patris filia.

Magdalenam convocasti
Voce viva, dum clamasti:

Rabbi adest, propera ;
Quae vocata celeravit,
Christum quaerens, quem cla-
mavit,

Qui ejus lavit scelera.
5. Quem tu milii, virgo, placa
Sine mora et non vaca

Tua per precamina,
Mea comple supplex vota
Tu, nec speculare nota,

Sed dele peccamina,
Quae me premunt et me laedunt,
Virgo sancta, vi recedant

Tua per suffragia.
Nunc exora, nunc Implora
Cum Maria In hac hora,

Ut purgentur omnia.
6. Christus tibi reimpendit
Vicem, cum d,e mundo scandit,

Sedem dans In gloria,
In paterna sua domo,
In stellato vero throno

Vocans de miseria.
Hospita mea dilecta,
Dicens, veni, praeelecta,

Te tentat, virgo regia,
Hospita cujus fuisti,
Dulcis mater Jesu Christi

Gaudenter In patria
7. Veni, sponsa, sertum tibi
Fecit Ipsa velut sibi

Castitatis lilio,
Quod ornavit, decoravit
His rosis, quos exstirpavit

Paradisi gremio.
Veni, sponsa praeelecta,
Et non tarda In electa

Mea tabernacula,

Ubi potu tu potaris
Hujus fontis salutaris
Veri et In saecula.

8. Hujus fundum contemplare,
Tibi qui vult famularc

Ad mensam nunc propera,
Qui propinat potum vitae,
De dulci qui fluxit vite

Mariae per viscera.
Quam parata tu fuisti,
Cum audisti vocem Christi

Et vocantem Dominum ;
Tunc dixisti nec tardasti,
E contra vero clamasti:

Tibi trado spiritum.

9. O quam digne subintrasti
Cum sponso, quom amplexat,

Gaudens coelum propere,
Ubi sancta tu nnnc gaudes
Et praeclaras multas laudes

Ibi audis promere,
Cujus vultum contemplaris,
In quo multum delectaris

Ut ordines coelestium,
Gaudium qui prophetarum
Virginum et est sanctarum,

Sic sanctarum omnium.

10. Archangeli cum hunc vident
Et angeli semper rident,

Gaudium virtutibus
Est et thronis, seraphinis,
Sic et vere cherubinis

Atque potestatibus.
Quem me, sancta, fac videre,
Sine fine et gaudere

Secum In coelestibus,
Et hunc semper contemplari,
Suis semper delectari

Amoenis obtutibus.