56. De sancta Katharina.

I.

1. Ave candens Ulium
Per Mariae filium,

Vernans Katherina,
Katherina Inclyta,
Quae In urbe genita

Es Alexandrina.
2. Adstas Christo regia
Costi regis filia.

Casta Katherina,
Tamquam Inter milia
Castitatis lilia

Rosa sine spina.
3. Haec felix Christicola,
Virtutum areola,

Virgo Katherina,

Ecce tua subdola,
O Maxenti, Idola

Spernit sathanina.
4. Rethores, grammaticos,
Vicit et catholicos

Fecit Katherina,
Ignibus quos Impius
Tradidit Maxentius

Mente belluina.
5. Nervis dire caeditur,
Carcere recluditur

Tetro Katherina,
Ac fame conficitur,
Sic flos campi laeditur

Poenarum pruina.

II.

6. Salve, florens viola,
Sed per flagra frivola

Livens Katherina,
Katherina, ungeris
Desuper et pasceris
Esca coelestina.
7. Ac de coeli culmine
Te revisit lumine

Christus, Katherina,
Te confortat: Gaudeas.
Tecum sum, nil paveas
Mortis a ruina.
8. Hinc tu, gemma virginum,
Praedicabas Dominum
Christum, Katherina,

Et per te In filium
Dei mox gentilium

Credidit regina ;
9. Rubens jam martyrio
Una cum Porphyrio

Per te, Katherina.
Inde tortor Impius
In te saevit acrius

Rabie lupina.
10. Nam bis binas praeparat
Rotas, ut te conterat,

Sancta Katherina,
Attamen haec vilia
Paganorum milia

Perimunt bis bina.

III.

11. Gaude, rubens rosula,
Delicata vernula

Christi, Katherina,
Katherina, precibus
Fusis pro supplicibus

Sonat vox divina:
12. Ad coeli palatia
dixistique solatia

Veni, Katherina,
Tu coeleste balsamum,
Sponsi Intra thalamum.

Sponsa columbina.
13. Hinc cervice plecteris,
Ad superna velleris,

Martyr Katherina.

Et quidem pro sanguine
Lactis manas flumine

Morte peregrina.
14. Renuis mortalibus
Sepeliri manibus.

Diva Katherina,
Imo te mirifice
Tumulant angelicae

Manus monte Sina.

15. Nunc tuum virgineum

Corpus sacrum oleum

Stillat, Katherina,
Admiranda omnibus
Quod aegris fidelibus

Exstat medicina.

IV.

16. V a 1 e, pulcher flosculus
Florumque fasciculus,

Suavis Katherina,
Katherina, clarior
Sole, luna pulchrior.

Stella matutina.
17. Aurem piam Intime
Suspirantis animae

Precibus Inclina,
Tua me virtutibus
Et virtutum actibus

Imbue doctrina.

18. Hujus mundi devia
Ne sequar vestigia,

Tu me sursum mina;
Eja, virgo nobilis.
Fac, ne carnis fragilis

Mergat me sentina.
19. Rumpe vincla sceleris,
Ut non fiam Inferis

Hostibus rapina.
In procinctu transitus
A me nequam spiritus

Pellere festina.

20. Nectaris convivium

Nunc et tunc coelestium
Largius propina,

Ad coetorum gaudia
Duc me tunc cum gloria.
Dulcis Katherina.