CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Ave, virgo Barbara,
Speculum honoris,
Temetipsam praepara
Thalamum pudoris
Christo, dum recludens
Vultum ob decoris,
Sponso sponsa jungeris
Nexibus amoris.
2. Quae per fidem Illico
Flore castitatis
Amatores despicis
Mundi vanitatis,
Facis In aquaria
Tres fenestras satis
Congrue pro gloria
Summae trinitatis.
3. Marmori cum digito
Crucem Impressisti,
Signo pedis edito
Ubi processisti,
Multa beneficia
Languidis liquisti
Baptismali gratia
Tinctaque fuisti.
i. Salve, sancta Barbara,
Petra quam precantem
Clausit, ne te barbara
Manus formidantem
Trucidaret ocius,
Sicque latitantem
Monti dat secretius,
Deum exoraiitem.
5. Sed cum pastor cominus
Ducit Insectantes,
In locustas protinus
Versae sunt balantes,
Quae nunc usque tumulo
Tuo sunt astantes,
Acsi suo nidulo
Circumvolitantes.
6. Quae, cum idolatriae
Cultum detestaris,
Flagris, testis varie
Dire cruciaris,
Hinc reclusa carcere
Luce consolaris,
A plagarum vulnere
. Per Christum sanaris.
7. Gaude, fortis Barbara,
Agonista Christi,
Mundum, mortem, tartara,
Satanam vicisti,
Nam dum consolamina
Sponsi persensisti,
Cuncta cruciamina
Praesidis sprevisti.
8. Qui mox de lateribus
Tuis laniari
Carnes et lampadibus
Vulnera flammari,
Caput tuum malleo
Jussit verberari,
Pectusque virgineo
Ubere truncari.
9. Nuda circumduceris
Sed miraculose
Candida mox tegeris
Stola gloriose,
Mortis ad supplicia
Te spectaculose
Patris manus propria
Trahit furiose.
10. Vale, mitis Barbara,
Firma spes tuorum,
Prece nobis compara
Praemia coelorum,
Quae In vitae termino
Tibi devotorum
Impetres a Domino
Veniam malorum.
11. Veni, mi pulcherrima,
Audis invitata
Patris ad laetissima
Tibi praeparata,
Mecum In cubilibus,
Sponsa mihi grata,
Requiesce mercibus
Coelitus dotata.
12. Post hoc patris proprii
Manu decollaris,
Laureo martyrii
Serto coronaris,
In superna gloria
Christo collaetaris,
Et nunc ab ecclesia
Digne veneraris.
13.O beata Barbara,
O mea patrona
Me peccantem repara
Supplicando prona
Christo pro me paupere.
Ut per sua dona
Mihi donet prospere
Consumare bona.
14. Tua, virgo, merita
Mihi suffragentur,
Ut culparum debita
Cuncta relaxentur,
Tempora deperdita
Jam recuperentur,
Dataque gratuita
Semper cumulentur.
15. Tuum mihi jugiter
Adsit consolamen,
Et In morte firmiter
Prosit adjuvamen,
Stygis ne supplicio
Tradar post examen,
Sed coelesti gaudio
Tecum fruar. Amen.
G2. De sancta Lucia.
1. Ave, lucis speculum,
Lucida Lucia,
Illustrando saeculum
Caecis lucis via,
Verae lucis lumine
Sic Illuminata,
Ut a lucis nomine
Juste sis vocata ;
Veri solis radiis
Fidei lucebas
Et amoris bracchiis
Sponso cohaerebas.
2. Salve, pulchrum lilium,
Inclyta Lucia,
Christum Dei filium
Colens mente pia,
Matri tuae precibus
Confers sospitatem,
Et opum Inopibus
Praebes largitatem ;
Illico Paschasio
Ob hoc praesentaris,
Miro quem eloquio
Vincens aspernaris.
8. Gaude, vernans viola.
Mobilis Lucia,
Quae dum spernis Idola
Ex virtute dia.
Judex ad prostibulum
Trahi te jubebat.
Sed divinum vinculum
Minime sinebat:
Ignis, pix et oleum
Virtute divina
Non laesit virgineum
Corpus nec resina.
4. Vale, rubens sanguine
Rosula, Lucia.
Quae virtutum germine
Flores et sophia,
Collo licet gladii
Ictum excepisti,
Non tamen eloquii
Usum perdidisti.
Sacram eucharistiam
Sumis reverenter.
Et ad coeli gloriam
Evolas gaudenter.
5. O felix virguncula,
Celebris Lucia.
Culpae rumpe vincula
Diligo te quia.
Hostes a me fortius
Per te propulsentur.
Et virtutum largius
Munia donentur.
Ubi cum laetitia
Clangit hymnodia,
Virginum ad gaudia
Perduc me. Lucia.