63. De sancta Caecilia.

1. Ave virgo, sanctitatis

Speculum, Caecilia,
Tu exemplum pietatis.

Vere coeli lilia.
Castitatis Christo florem

Commendabas precibus.
Ei juncta per amorem

Castis cum amplexibus.
Cuncta quippe contempsisti

Vana mundi gaudia,
Nam coelestem dilexisti

Sponsum super omnia.

2. Salve, pulchra tu puella.

Nobilis Caecilia.
Velut rosula tenella

Inter florum milia
Sponso cum Valeriano

Contrahis Innoxie.

Quem conveitis a profano

Cultu idolatriae.
Angelus vos decoravit

Paradisi rosulis,
Christus vero coronavit

Coelicis coronulis.

3. Gaude, robur Infirmorum.

Fidelis Caecilia.
Quae constanter Idolorum

Respuis sculptilia:
Hinc tortores Illustrantur

Fidei mox lumine.
Quadringenti renovantur

In baptismi flumine.
Die. noctu bullienti

Cruciaris balneo.
Sed non nocet Innocenti

Corpori virgineo.

4. Vale, fortis debellatrix.

Hostium, Caecilia,
Christo regi conregnatrix,

Summi regis filia.
Dum pro Christo excepisti

Ternos Ictus gladii,
Sponsi thorum Introisti

Sempiterni gaudii, Ubi caritatis nexu

Stringis regem Dominum,
Martyr sponsi sub amplexu

Carmen carnis virginum.

5. Eja, dulcis et beata,

Inclyta Caecilia,
Prece tua Deo grata

Me nunc reconcilia ;
Tu ab hoste me defende

Semper et a crimine,
Quam benigna sis, ostende

Mortis In examine.
Tu perire me non sine

Sed post haec exilia,
Fac ut tecum sine fine

Gaudeam Caecilia.