4S. De sancto Hieronymo.

1. Salve, sancte Hieronyme,
O doctor veritatis,
Qui es languentis animae
Medela sanitatis.
2. Tu Romae liberalibus
Es artibus Imbutus,
Tu actibus moralibus
Virtutum Institutus.

3. Cum codices gentilium
Legis tam affectanter,
Es raptus ad judicium
Et, quis sis, Indignanter

4. Interrogatus; libere:

Sum, Inquis, Christianus,
Sed es correctus verbere
Ut Ciceronianus.
5. Latinis, Graecis litteris,
Hebraicis, divina
Instructus es prae ceteris
Scientia, doctrina.
6. Jam Cardinalis presbyter,
Zelator Christi legis,
Es habitus communiter,
Dignus rectura gregis.
7. Sed aemuli feminea
Veste te Illuserunt,
Qua te pollutum carnea
Labe diffamaverunt.

8. Tunc cedis et Gregorio
Adhaeres Nazanzeno,
Scripturae desiderio
De Jesu Nazareno
9. Ad eremum tunc properas
Et magno cum rigore
Fame, fletu exasperas
Te Christi pro amore.

10. Quis novit, quanta corporis
Sis passus Incentiva,
Quis pugnam tui pectoris,
Quis carnis afflictiva.
11. In Bethlehem praesepio
Te Christi applicabas
Et scripturarum studio
Assidue vacabas.

12. Multos Ibi discipulos
Sub Christo adunasti,
Multos perpessus aemulos,
Multa mira patrasti.
13. O mira res. e tumulo

Transferri dum debebas,
Spectante clero, populo
Nec terrae cohaerebas.
14. In Iurabam tuam positos
Defunctos duos vitae
Reddis, diversis deditos
Morbis curabas rite.
15. Sepulchro es solemniter
Marmoreo Insertus,
Quod linquis mirabiliter
In pristino repertus.
16. Eja, doctor ecclesiae,

Dans formulam psallendi,
Exemplar poenitentiae,
Tu normula viveudi.
17. Dignare, quaeso, premere
Maligni hostis fraudem,
Ut corde, ore, opere
Semper Deum collaudem.
18. Mea dele facinora,

Fer prece spem salutis,
Mea dispone tempora
Per opera virtutis.

19. Ut tecum, pater optime,
Qui jam coelesti sede
Gaudes, Sancte Hieronyme,
Post perfruar mercede.