CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. O Maria, paradisus,
Voluptatis hortulus,
Plenus cunctis bonis,
Rigat te fons Indivisus.
Quadruplexque rivulus
Gratiarum donis.
2. Tigris velox succurrendo,
Euphrates es frugifer,
Phison os mutatum
Ferbum anguis auferendo,
Geon, quo se mortifer
Scit praerupto datum.
3. Lignum vitae paradisi
Ens In tui medio
Vitae dedit fructus
Uberes, qui non sunt visi,
Cosmo sunt remedio
Contra Stygis luctus.
4. Summus orbis architectus
Quem plantavit floridum,
Hortus es conclusus.
Iste tuus praedilectus
Caput habens roridum
Nusquam est exclusus.
5. Stat, pulsat vociferando:
Surge, curre, resera
Ostium, conclave,
Tua mihi grata dando
Poma nova, vetera,
Osculum suave.
6. Est votum virginitatis
Novum sed fecunditas
Pomum vetustatum,
Per complexum Deitatis
Capiet humanitas
Osculum beatum.
7. Intrans ad te, dedicata
Mihi virgo, filia,
Soror mea, sponsa,
Austro flante delicata
Horti tui lilia
Colligam absconsa.
S. Pneumatis austro perflatus
Hortus tui pectoris
Floribus vernabat.
Latens Deus et velatus
Velo tui corporis
In te germinabit.
9. Adsum, sponsus nunc jucundus
His pulsatus vocibus,
Veniat dilectus
Candidus et rubicundus,
Electus ex millibus
In hortum allectus.
10. Ecce asto, summe mitis,
Omne fugans noxium
Tenebris relucens.
Ad haec Illa Sunamitis
Horti pandit ostium
Sponsum Introducens.
11. Tunc rex regum In decore
Sponsae dat charismata,
Dona gratiarum.
Tentus ejus est amore.
Ut sensit aromata
Rerum diversarum.
12. Ibi ergo exsultabat
Unicus cum unica
In credentis fide,
Bonus sapor hinc manabat,
Hoc per mala punica
Vel granata vide.
13. Illic Cedrus et Cypressus
Virginis sublimitas
Contemplationis,
Vitis Cypri botrus pressus
Cordis est jucunditas
Et affectionis.
14. Inest palma triumphatrix,
Contra hostes hominis
Balsamus salutis,
Rorat ficus dulcoratrix,
Favor In cor virginis
Mella dat virtutis.
15. Gignit Setim firmitatis
Rubumque Mosaicum
Carne virginali,
Oleumque pietatis,
Medicamen mysticum
Morbo spiritali.
16. Mire praegnans et Impune
Alvus et Mandragora
Hortuli Mariae,
Arbores solis et lunae
Poma dant per tempora
Coelicae sopbiae.
17. Ramos suos therebinthus
Hinc expandit gratiae,
Hinc ramos honoris.
Jugiter succrescit Intus
Bdellium clementiae,
Spes buxus viroris.
18. Affert laurus veritatem,
Foliis constantiam
Arbor ebenina,
Ob Imputrebilitatem
Dant perseverantiam
Ligna quoque thina.
19. Rubens moras maturescit
Malusque florigerus
Conversationis,
Tunc amygdalus florescit,
Viretque juniperus
Vi compassionis.
20. Ut nardus humilitatis,
Myrthus temperantiae,
Cynnamomi vapor,
Large crocus caritatis
Crescit, patientiae
Zuccarique sapor.
21 Ungula sobrietatem,
Myrrha continentiam,
Thus devotionem,
Signat gutta puritatem,
Storax confidentiam
Et orationem.
22. Bene zelus, disciplina,
Pax, obedientia
Cum discretione
Et prudentia, doctrina,
Mititas, justitia
Cum perfectione
23. Aloe, stacte signantur
Calamo et cassia,
Galbano, resina.
Tuta, hysopo notantur
Acta, desideria
Cappare divina.
24. Ecce rosa, flos amoris,
Rubet, floret lilium,
Candor virginalis;
Viola vernat pudoris,
Flos campi convallium
Famae virtualis.
25. Insuper arbusta culta
Et vireta germina,
Frutices donorum,
Radix, stipes et virgulta,
Plantae, herbae, semina
Omnium bonorum.
26. Gratiarum diversarum
Frondes, flores, folia
Fructusque virtutum
In horto deliciarum
Virent, vigent omnia
Ad divinum nutum.
27. Nunc dilatant se ramorum
Florida cum platano
Sponsam obumbrando,
Influit et fons hortorum
Impetu de Libano
Hortum Irrigando.
28. Sonant Ibi coeli aves.
Spiritus angelici
Sponsae jubilantes.
Melodias dant suaves
Carminisque coelici
Laudes resonantes.
29. Ave, virgo, cujus hortum
Dum descendens Dominus
Per se visitavit,
Reperit pudoris portum
Clausum, nihilominus
Ut sol penetravit.
30. Inde tollens, (quam plasmaui
Vestem carnis fragilem.
Clausum dereliquit,
Et ab horto revocavit
Gladium versatilem.
Quo Adam deliquit.
31. Aperi hunc hortum rite,
Quem clausit temeritas
Transgressoris Adae,
Manu duc ad lignum vitae
Nos, clamat posteritas,
Tunc prostrata clade.
32. Et nunc mihi horti tui
De virtutum floribus
Praebe praegustamen,
Nec non fac ut horti sui
Christus pascat fructibus
Me In aevum. Amen.