58. De sancta Margaretha.

1. Ave. virgo Margaretha,
Sponsi summi quae secreta

Penetras cubicula,
Ubi per amoris nexus
Fideique per amplexus

Celebratur copula.
Eja corpore formosa,
Fide magis speciosa,

Tu praeclara genere,
Margaretha, Deo grata,
Gratiarum decorata

Et virtutum munere.

2. Salve, sancta Margaretha.
Voluptate mundi spreta

Omnique ludibrio,
Hostem superas, antiquum
Castitatis Inimicum,

Una cum Olybrio.
Quae dum Christum confiteris,
Carcerari mox juberis,

Post hoc In equuleo
Laniata VI tortoris,
Rubens manat fons cruoris

Corpore virgineo.

3. Gaude, felix Margaretha,

Tu virtute Christi freta,

Triumphatrix Inclyta,

Infernalem tu draconem

Et Ingentem passionem

Vincis Christo dedita.

Quae dum cultum detestaris
Idolorum, cruciaris

Diris poenis Ignium,
Aqua frigens dum succedit
Sed non laedens, Christo credit

Turba quinque milium.

4. Vale, dulcis Margaretha,
Vere gratia repleta,

Nam In vitae termino
Pro his, quibus veneraris,
Et a quibus tormentaris,

Preces fundis Domino.
Post hoc capite truncata,
Nunc a Christo coronata

Passionis laurea,
Ut praefulgens margarita
Es In sponsi serto sita,

Sponsa tu virginea.

5. O beata Margaretha,
Quae cum Christo regnas laeta

In coelesti requie,
Tu delictis et peccatis
Meis male perpetratis

Posce dona veniae;
Da contemptum mundanorum
Et amorem supernorum

Cum augmento gratiae,
Fac, evadam Inferorum
Portas, portum beatorum

Adipiscar gloriae.