44. De sancto Achatio et sociis ejus.

1. Salvete, decem milia,
O martyres beati,
Quibus per cuncta proelia
Fuisti dux, Achati.
2. In novem primo millibus
Eratis congregati,
In vestris certaminibus
Frequenter superati.
3. Tunc mentis pro audacia
Vos deos coluistis
Bellorumque victoria,
Sed nihil profecistis.
4. Sed angeli per monitum
In Christum credidistis,
Et hostium exercitum
Fugando devicistis.
5. Tobis convenientibus

Cum angelo praeduce,
Coelis vobis cernentibus
Apertis fusa luce,

6, Descendunt turmae coelicae
Vos territos solantes,
Et vos passuros publice
Narrabant confortantes.
7. Per Adrianum Caesarem
Post triduum vocati,
Pro Christo mortem hilarem
Excipere parati,

8. Cum Idola nefaria
Nolletis venerari,
Vos poena multifaria
Caesar jussit vexari.

9. Saxa vos lapidantium
In ora silierunt,
Manus vos flagellantium
Confestim aruerunt.

10. Magister mille militum

Haec videns mox credebat
Cum Illis, coetum Inclitum
Sic vestrum adimplebat.

11. Mox pedibus, lateribus
Cum clavis perforati,
Spinosisque capitibus
Cruore baptizati,

12. Ut Christus passi singula,
Stipitibus affixi,
Fulseruntque miracula,
Quae morte crucifixi.
13. Mihi, quaeso, memoria
Nunc vestrae passionis
Prosit et meritoria
Virtus orationis ;

14. Ut corporis et animae
Potitus sospitate
Sacrorumque potissime
Bonorum ubertate;
15. Triumphum resistentiae
De hostibus nanciscar,
Fractumque poenitentiae
In fine adipiscar;
16. Et sacra eucharistia
In morte procuratus,
Coelorum fungar gloria
Vobis consociatus.