64. De sancta Agatha.

1. Ave, virgo generosa,

Sponsa Christi Agatha,
Cujus fragrant velut rosa

Virtutum aromata,
Cujus mens sic solidatur

Fidei fundamine,
Ut nequaquam moveatur

Metu vel blandimine.
Aspernaris Quintianum ;

Exsecraris Idola,
Omne despicis mundanum,

Tu felix Christicola.

2. Salve, mitis et benigna,

Mente fervens Agatha,
Nobis linquens, fide digna,

Exemplorum dogmata.
Christi fida tu ancilla,

Quam tyrannus Impius
Dire torsit In mamilla

Quam praescidit acrius,
Carcerique mancipavit,

Sed In Christi nomine
Te divino mox sanavit

Petrus medicamine.

3. Gaude, fortis et honesta,

Triumphatrix Agatha,
Quae pro Christo fers molesta

Passionum stigmata ;
Volutaris super testas

Et carbones Ignium,
Terrae motus tunc Infestas

Turbas necat gentium.
Inde carcerem subisti,

Unde post victoriam,
Pretiosa martyr Christi,

Velleris ad gloriam.

4. Vale, decus, forma morum,

Lux virtutum Agatha,
Tumulanda angelorum

Turmis es circumdata ;
Dant ad caput continentem

Tabulam marmoream,
Quod honorem Deo, mentem

Sanctam et spontaneam.
Ignis vorans tui velo

Tumuli restringitur,
Virginum te nunc In coelo

Sponsus circumplectitur.

5. Eja, clemens et beata,

Pia, dulcis Agatha,

Prece confer mihi grata

Pneumatis charismata ;

Per te culpae deleantur,

Augeantur gratiae,

Et In morte propellantur

Potestates noxiae.
Me de mundo transfer Isto

Coeli ad agalmata,
Ut In aevum fruar Christo

Tecum gaudens, Agatha.