12. De omnibus sanctis.

1. Ave trinus In personis,

Unus In essentia,
Indivisus tu In donis,

Cuncta creans entia,
Jam virtutum diter donis

Ex tua praesentia.
2. Ave, Christe, reparator

Protoplasti generis,
Jesu Dei mediator

Et humani foederis,
Quaeso, mihi sis salvator

Ut electis ceteris.

3. Ave, virgo singularis,

Felix tu puerpera,
Universis dominaris,

O regina, Impera,
Ne me morsibus amaris

Stygis laedat vipera.
4. Ave, chori angelorum,

Deitatis facie
Illustrati electorum

Omnium In acie,
Mihi, precor, supernorum

Ferte lumen gratiae.
5. Ave tu, baptista Christi,

Major natis hominum,
Verbi Dei vox, praeisti

Nuntiare Dominum,
Fac, ne claudam nece tristi

Hujus vitae terminum.

6. Ave, felix duodena

Clanga apostolica,
Quorum vita non terrena

Nec potestas modica,
Per vos mihi salus plena

Detur, virtus coelica.
7. Ave, cohors prophetarum,

Signis miris Inclyta,
Concio patriarcharum,

Sacra stirpe praedita,
Dona ferte gratiarum

Hostis fraude domita,
8. Ave, coetus novae legis,

Scribens evangelia
Ac discipulorum regis

Nova dans praeconia,
Ad superni per vos gregis

Transferar ovilia.
9. Ave phalanx purpurata

In cruoris flumine,
Innocenter candidata

Turba rubens sanguine,
Vita sumat me beata

Vestro deprecamine.
10. Ave, sacer grex doctorum,

Veritatis speculum,
Rector quoque populorum,

Felix chorus praesulum,
Per vos Christus, rex coelorum,

Salvet me In saeculum.

11. Ave, agmen confessorum,
Lux fidelis populi,
O caterva monachorum,

Cuncta spernens saeculi,
Vestra prece peccatorum
Nexus ruant singuli.

12. Ave, turma virginalis,

Agni tecta vellere,

Continentum, conjugalis

Claro casta foedere,

Per vos vestis nuptialis

Mibi detur munere.

13. Ave, omnium sanctorum
Jucunda societas,

Ad superna me polorum
Vestra ducat pietas,

Ut vestrorum me bonorum
Repleat satietas.