69. De sancta Maria Magdalena.

1. Ave plena gratia,

Felix Magdalena,
Cujus poenitentia

Vere fuit plena,
Velut Indulgentia

Comprobat amoena.
2. Maria, cum fluvio

Venis lacrymarum,
Rigas In convivio

Fontem gratiarum,
Te ut a diluvio

Diluat culparum.
3. Gratia perabluit

Te Jesus, fons vivus,
Ejus In te refluit

Ros amoris divus,
Mox ut Ipsum compluit

Fletus tui rirus

4. Plena penitudine.

Pedes, quos conspergis
Lacrymarum flumine,

Crinibus detergis,
Oris osculamine

Crebo circumpergis.
5. Dominus cum typicum

Gessit convivamen,
Praebes nardi pisticum

Medico liquamen
Aegra, per quem mysticum

Capis medicamen.

6. Tecum est, quem quaeritas,
Quare lamentaris?
Ejus tumbam visitas,
Per quem visitaris,
Sed vivum non cogitas,
Donec nominans.

7. Benedicta Domina,

Cujus hortus mentis
Hortulani semina

Capit resurgentis,
Vitae gignit germina

Rigua lamentis.
8.Tu In mulieribus

Primitus peccatrix,
Sed mundata fletibus

Christi post amatrix,
Resurgentis testibus

Tandem nuntiatrix.
9. Et quia prae ceteris

Multum dilexisti,
Multum noxae veteris

Tolli meruisti,
Poenitendi posteris

Formam reliquisti.

10. Benedictus Dominus,
Qui te revocavit,

Omne donans facinus
Te justificavit,

Donis nihilominus
Te magnificavit.

11. Fructus vitae coelicae

Claruit Mariae,
Cum manus angelicae

Septies In die
Tollunt hanc mirifice

Sono melodiae.
12.Ventris fructus virginis

Tui ob amorem
Sui mihi numinis

Imprimat saporem,
Rorem sancti flaminis,

Gratiae dulcorem.
13. Mariae praeconia,

Amor et lamenta
Culpae sint remedia,

Gratiae fomenta
Cordisque solatia,

Vitae fulcimenta.
14. Jesu Christe, gloria

Patris et sophia,
Mihi per te praemia

Largiantur dia,
Tecum ut In patria

Gaudeam, Maria.