26.

De sanctis Simone et Jnda.

1. Salve, Simon Cananaee,
Quem elegit Dominus,
Salve, Juda vel Thaddaee,
Christus nihilominus
2. Vocat ad apostolatum
Te misericorditer,
Vobis exhibens cognatum
Se familiariter.

3. Ad Abagarum venisti,
Coelibem Christicolam,
Ut promissum sibi Christi
Erat per epistolam.

4. Cum qua ejus confricasti,
Sancte Juda, faciem,
Et a lepra mox curasti,
Claram reddens speciem.

5. Per diversas terras Istis
Praedicandi gratia,
Simul Persidem venistis
Dei providentia.
6. Ubi Magos Illudentes
Noxie hominibus,
Et serpentes producentes
Contra vos carminibus
7. Effugastis, quos serpentes
Jussu vestro laeserant,
Tigridesque saevientes,
Qui plures necaverant,
8. Repulistis et morantes
Ibi multos populos
Gonvertistis, baptizantes
Et docentes credulos.

9. Magi vero Instigabant
In Sanir pontifices,
Qui post hoc vos captivabant,
Ac eorum complices,
10. Vos ad Idola trahentes
Immolare Incitant,
Per vos daemones frementes
Se torqueri clamitant.
11. Daemonesque, dii templorum,
Nigri ut fuligines
Apparebant, Idolorum
Frangentes Imagines.

12. Ob hoc plebs vos trucidant,
Martyres constituit,
Fulgur templum devastavit
Magosque comminuit.

13. Sancte Simon, obedire

Fac me Christo jugiter.
Ac devote deservire
Semper et humiliter.
14. Sancte Juda, confiteri
Corde, ore, opere
Fac me Christum et tueri
Me ab omni scelere.

15. Custodite me a fraude
Hostis et victoria,
Ut vobiscum sim In laude
In coelesti gloria.