3. Annulus B. V. M.

1. Ave virgo nobilis.
Desponsari habilis
Summo regi, annulum.
Arrhabonis titulum,

Suscipe, Maria.
Novum florem virgula,
Paranympho credula.
Concipis, quam jaspidis
Color monstrat viridi

Plenam fide pia.

2. Virtus spei stabilis
Nunquam In te labilis
Fuit neque veritas,
Signat ut serenitas

Coelica sapphiri.
Lucens chalcedonius.
Sed sub divo pulchrius.
Pandit te eximio
Caritatis radio

Fervide igniri.

3. Ut smaragdi claritas
Monstrat et viriditas.
Mente cunctis purior
Es et elegantior

Actu virtuali.
Sardonyx inturbidus
Ruber, niger, candidus,
Te designat limpide
Conversatam placide

Gestu virginali.

4. Bene rubens sardius
Indicat apertius,
Mortis Christi gladium
Sauciasse nimium
Spiritum Mariae.

Exprimit chrysolithus,
Prae fulgore Inclytus
Flammeis scintillulis,
Claram te miraculis
Ac dono sophiae.

5. A beryllo pallido
Seu nitenti fulgido
Humilis In animo
Et benigna proximo

Rite comprobans.
Tandem pretiosior.
Cunctis gemmis gratior.
Asserit topasius,
Cunctis quod limpidius

Deum contemplaris.

6. Ecce nunc qui rubeas
Guttas jacit aureas.
Chrysoprasus nimii
Aestu desiderii

Refert te fervere.
Vt jacinthus celeri
Se conformat aetheri.
Sic fers opem anxiis.
Tuis quos auxiliis

Cernis Indigere.

7. Insuper te omnibus.
Deo et hominibus
Praedilectam roseus
Color et purpureus

Probat amethysti.
Recte evangelica
Margarita coelica
Es mercantum omnium;
Felix, qui commercium

Consequitur Christi.

8. Grandis niger dicitur,
Venis albis cingitur.
Qui te vere humilem.
Hinc et acceptabilem

Reserat achates.
Illico onychius
Mixtus fert, quod Dominus
Piis te virtutibus
Adornavit omnibus.
Quam optarunt vares.

9. Nunc te prodit largiter
Adamas, qui firmiter
Cunctis obstat Ictibus.
In adversis omnibus
Fortem patientem.
Indicat perlucida
Te crystallus frigida
Mente, carne virginem
Nostraeque originem
Spei exsistentem.

10. Sic te temperantia
Ac timoris gratia
Ornant, ut egregius
Aperit Ligurius

Similis electro.
Magnes ferrum propius
Attrahit celerius,
Virgo poenitentium
Chordas tangit mentium

Pietatis plectro.
11. Approbat carbunculus,
Lucens noctis oculus.
Longe, late, largiter.
Laudis tuae jugiter

Famam dilatari.
Regnans In coelestibus
Ornata virtutibus,
Munda nos a vitiis
Et de tuis nuptiis

Facias laetari.

12. Insuper In copia
Ephilat, Arabia,
Ophir, Saba pariter.
Tharsis dat similiter
Auram affluenter.
Ex quo praesens parvulus
Fit gemmatus annulus.
Quem oblatum hodie
Per me, sponsa gloriae.
Suscipe clementer.