21. De sancto Johanne evangelista.

1. Salve nunc evangelista,
O Johannes, gloriae,
Jesu Christi tu symmista,
Nomen habens gratiae.
2. Te post annos pubertatis
Vocat a piscapio,
Tuae florem castitatis
Servat a connubio.
8. Te apostolum electum
Clamat evangelium,
Te prae ceteris dilectum
Probat privilegium.

4. Nam quis sic familiaris
Domino complacuit?
Qui cum velut lux solaris
In vultu resplenduit,

5. Cum puellam suscitavit,
Cum patrem oraverat,
Te cum paucis advocavit,
Quos ad hoc elegerat.

6. Solus supra pectus Christi
Tu recumbis propius,
Ex quo nectar, quod hausisti,
Fundis post uberius.
7. Tibi Christus commendavit
Curam matris virginis,
Cum In cruce laboravit
Pro salute hominis.

8. Ipsam tibi dedit matrem
Et te Illi filium,
Sic cum tibi se dat fratrem,
Rosa profert lilium.
9. Tu illaesus evasisti
Vas ferventis olei,
Et In Pathmos depinxisti
Tu secreta fidei.
10. Morbidosos tu curasti,

Tu gemmarum fragmina
Et virgulta commutasti
In natura gemina.
11. Tu defunctos suscitabas,
Quos venenum perculit,
Tibi vero cum potabas
Nihil mali Intulit.
12. Aquiline Intendisti
Veri solis radio,
Quando Christum descripsisti
Verbum In principio.
13. Hinc In fine senectutis,
Jam conversa Asia,
Te vocavit rex virtutis
Ad coeli convivia.

14. Vivus Intras monumentum,
Sed cum splendor nimius
Te abscondit, est Inventum
Manna scatens largius.

15. Flos virgineae cohortis,
Confer castimoniam,
Tutam mihi hora mortis
Adhibe custodiam.

16. Tua prece me gustare,
Fac nunc coeli gaudia
Tibique conjubilare
In perenni gloria.