65. De sancta Ursnla.

1. Ave, felix Ursula,

Dulcis et amoena,
Delicata rosula,

Venustate plena,
Cujus pulchritudinem

Omnes admirantur,
Te famosam virginem

Digne venerantur ;
Etsi multis pulchrior

Corpore fuisti,
Sed fide praeclarior

Christo placuisti.

2. Salve, decens Ursula,

Lilium candoris,
Cui nulla macula

Tulit vim pudoris,
Quae, dum regis filio

Sponsa postularis,
Ejus ut connubio

Illico tradaris,
Tu trimatus terminum

De Instinctu Christi
Et undena virginum

Millia petisti.

3. Gaude, mitis Ursula,
Flos campi regalis,

Fida Christi famula,
Doctrix spiritalis,

Per quam turma virginum
Deserit errorem,

Fide colens Dominum,

Cujus ob amorem
Spreta mundi gloria

Poenam ferunt mortis.
Jam cum sponso lilia

Coeli legunt hortis.
4. Vale, sancta Ursula,

Viola tunc livens,
Per tyranni spicula

Nunc In aevum vivens ;
Summis In deliciis

Sponsi singularis,
Cui castis nuptiis,

Virgo, copulans,
Fers In choro virginum

Sertum virginale
Palmamque certaminum

Signum triumphale.
5. O beata Ursula.

Inclyta puella,
Prece Deum sedula

Pro me Interpella,
Tuis cum sodalibus,

Culpis ut solutum
Me de carne, hostibus,

Mundo reddat tutum:
Per te mihi copia

Detur meritorum
Et In coeli gloria

Praemium sanctorum.