CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Creator creaturarum
Te prophetam prophetarum
In multis prae omnibus
Prophetis praehonoravit,
Cum ornando decoravit
Signis et virtutibus ;
2. Patri tuo, dum libavit
Hostiam, qui destinavit
Gahrielem nuntium,
Nasciturum nuntiavit
Illi te ; qui dubitavit,
Ob hoc fandi modulum
3. Perdidit, sed reformasti
Nascendo, dum relaxasti
Vocis suae organum.
Qui loquendo hymnizabat,
Hymnizando collaudabat,
Benedicens dominum.
4. O propheta nunc praeclare
Meam mutam reserare
Dignare, te postulo,
Linguam, ut te collaudare
Possim, de te hymnizare,
Mihi tuo famulo.
5. Jesus Christus decoravit,
Johannes, dum collaudavit
Te prae cunctis patribus,
Quando genti praedicavit
Et te solus nominavit
Multis tum nominibus,
6. Qui et magnae dignitatis
Certe sunt et honestatis,
Nobilis prae ceteris
Patrum, qui te praecedehant,
Hunc venturam praedicabant,
Testamenti veteris.
7. Prophetam, sponsi amicum,
Lucernam atque pudicum
Apellabat angelum,
Nuncupabat et Eliam,
Vocem vero et baptistam
Et praeconem omnium.
8. Judicis et praecursorem
Regis quippe et majorem
Mulierum masculis,
Qui nascuntur In hoc mundo,
Nimis vili et Immundo,
Et In cunctis saeculis.
9. O quam citus tu fuisti
Propheta, dum praedixisti
Parentis In utero,
Christum Deum advenisse
In aula castaque esse,
Utero virgineo.
10. Ubi contra hunc movebas,
Quem praesentem sentiebas,
Te ut regem omnium,
Tuum atque creatorem
Et In mundo salvatorem
Qmnium viventium.
11. Hinc amicus eras Christi,
Quod In hoc Innotuisti,
Quod eum dilexeras,
Amore hunc ostendisti,
Dum desertum quaesivisti
Et Illic latueras.
12. Maculare ne tu vitam
Labe posses redimitam
Saltem levi faminis,
Ut vel unquam mundum Istum
Sequar, mi Johannes, Christum
Dona VI oraminis.
13. Ardens lucerna vocaris,
Quod et ipse tu probaris
Esse procul dubio,
Velut ardens lux luxisti,
Populo dum praedixisti
Mundi In exsilio,
14. Semitam quod praepararet
Domino, nam propinquaret
Regnum coeli concitus.
Huic quod appropinquare
Possim, juvare dignare
Donis datis eoelitus.
15. Nam te digne appellabat
Jesus Christus, qui amabat
Certe suum angelum,
Dum praeires nuntiando,
Indice hunc ostendendo:
Videte agniculum,
16. Dicens, qui peccata mundi
Tollit hujus furibundi,
Atque dei filium ;
Non totum tollit peccatum,
Sed donat omnem reatum
Et dat coeli gaudium.
17. Nomen quidem habuisti
Vocis, missis dum dixisti
In desertum nuntiis,
Qui dicebant: manifesta
Nobis, si tu sis propheta,
Ut narremus dominis.
18. Eja, Elias, dilecte,
Nominalis, o electe,
Qui Ignitus pectore
Totus eras, tu amore
Christi quippe et fervore
Plenus omni tempore.
19. Ob hoc jure appellaris
Seraphim et similans
Ei per officium,
Velut Iste In ardebas,
Mundum quando fugiebas,
Subiens exsilium.
20. Sextum nomen, quod post Ista
Tibi datur est baptista,
Magnae quod Indicium
Dignitatis et honoris,
Angelorum quod est choris
Potestatum fortium.
21. Potestas horum arcere
Daemones est, ne nocere
Possint hic hominibus;
Hanc virtutem habuisti,
Peccatum dum abluisti
Aqua In fluminibus.
22. Baptista aut praeco Christi
Praedicando tu fuisti
Turbae, ut Insisterent
Bonis factis, cum dixisti
Milites et docuisti,
Ne quidquam concuterent,
23. Forentque suis contenti.
Publicanis, ne reventi
Gazae cor apponerent,
Demum multos baptizasti,
Illos quippe Informasti,
Ut coelum appeterent.
24. Ad limbum dum descendisti,
Praecursor quidem fuisti
Et dixisti patribus:
Noster venit liberator,
Cito Inferni vastator
Cum donis coelestibus,
25. Qui nos certe liberabit
Abrahaeque dona dabit
Quae promisit semini ;
Coelum Ipse reserabit,
Quod lacte, melle manabit,
Et tunc satiemini.
26. Praecursor Christi praeclare,
Peccatorem me mundare
Dignare a vitiis,
Multitudinis quae tantae.
Pelagi sunt guttae quantae,
Cuncta quae astutiis
27. Inimici, carnis, mundi,
Hujus vero tam Immundi,
Congregavi misere,
Ut ab Istis nunc mundatus,
Cum abhinc ero citatus,
Tecum possim vivere.
28. Teste vero salvatore,
Benedicto qui et ore
Suo te laudaverat,
Inter natos mulierum
Non surrexit major, verum
Quod est, dum docuerat.
29. Qui a rege exaltatur,
Collaudando veneratur
Merito a populo,
Es laudandus digne certe
Hinc, quod coeli rex aperte
Te laudabat saeculo.
30. In ventre sanctificatus
Ante certe es quam natus.
Sed natus mox saeculum
Fugiendo detestasti,
Ferarum Inhabitasti
Densum habitaculum ;
31. Quorum cibum et sumpsisti
Mel, locustas contrivisti,
Sumens hoc quotidie,
Aquae sitim exstinguebat,
Pili duri te tegebant,
Nec cedens duritiae,
32. Statum sanctum deducebas,
Populumque edocebas,
Mundum Istum spernere,
At Herodem arguebas
Pro delicto, cum dicebas:
Hoc non licet sumere,
33. Hanc fratris tui uxorem
Raptam ;
mox qui In furorem
Nimium Illabitur.
Qui convivium paravit
Magnum, In quo et saltavit
Meretrix, ut legitur.
34. Talis ludus et placebat
Cunctis, caput, quae petebat
Tui beatissimum,
Qui mox jussit amputari
Et In disco praesentari
Saltatrici praemium.
35. Corpus tuam receperunt
Subditi et humaverunt
Tui tunc solemniter,
Angelique susceperant
Animam et deduxerunt.
Ut regnet perenniter,
36. Ac coronis prophetarum
Ornaverunt populorum
Sanctorum et principum,
Martyrum et confessorum,
Eremitarum, doctorum
Et sanctarum virginum.
37. Benedicte o baptista,
Christi verus et symnista,
Nunc In hac miseria
Subvenire tu dignare
Ut queam vitam ornare
Mihi Christi gratia
38. Meam, et sic expiare
Delictum et conregnare
In Mariae filio,
Patrem ejus et videre,
Matri suae congaudere
In supremo solio.