28. De sancto Barnaba.

1. Salve, Barnaba benigne,
Pauli condiscipulus,
Cum apostolis te digne
Veneratur populus.

2. Offers more ceterorum
Totum agri pretium
Ad pedes apostolorum
In usum fidelium.

3. Fide plenus et vir bonus
Missus Antiochiam,
Ab apostolis is pronus
Videns tantam gratiam.

4. Congaudendo refovebas
Animos credentium,
Sed et Paulum ad ducebas
Pro salute gentium.

5. Per vos valde augebantur
Tunc fideles populi.
Christiani dicebantur
Tunc primum discipuli.

6. Vos signanter nominati

Tunc per almum spiritum,
Praedicatum destinati
Magnum per circuitum.

7. Multos filios gregastis
Ex diversis gentibus,
Nam doctrinam confirmastis
Signis et virtutibus.

8. Contigit, ut eveniret
Inter vos divisio,
Ut ad plures pertransiret
Vestra praedicatio.
9. Cyprum pergens tu Matthaei
Defers evangelium.
Quod aegris virtute Dei
Tactu fert remedium.

10. Cum In Papho nuda vadens
Festa plebs perageret,
Per te fit, ut templum cadens
Plurimos opprimeret.
11. Salaminam cum venisti,
Te Judaei rapiunt,
Jugulando regni Christi
Principem te faciunt.
12. Sancte Dei, mundum Istum
Fac me plene spernere
Nec non carnem propter Chris-
tum
Debite atterere.

13. Ft cum suis pompis fortem
Inimicum vincere,
Et pro Christo pati mortem
Paratum existere.

14. Tua prece fac, beate.
Hac me vita vivere,
Vitae sanctis praeparatae
Praemia percipere.