CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Jacobe amice Dei,
Johannis et, cari mei,
Frater amantissime
Atque nate Zebedaei,
Carmen peccatoris mei
Ne spernas, carissime,
2. Quod ex corde tibi cano,
Licet heu, heu nimis vano;
Ob hoc a te postalo
Gratiam, quam Impetrare
Digneris ac postulare
Mihi tuo famulo.
3. Preelegit te de mundo
Cum vocavit de profundo
Jesus Christus fluminis,
Patrem, navem reliquisti,
Ipsum sequi et cepisti,
Qui capacem luminis
4. Te fecit, quo Illustravit
Sui ut hos, quos vocavit
Suum In collegium I
Quibus ait, properate,
Nomen meum praedicate
Nec timete regium
5. Edictum, nec omnem gentem,
In vos fere saevientem,
Nec crudelem populum,
Baptizate sed credentes,
Trinitatem Invocantes
Et per cunctum saeculum.
6. Jerusalem praedicasti
Christum, scriptis confirmasti,
Esse Dei filium,
Ubi magus destinavit
Contra te, qui disputavit
Suum mox discipulum,
7. Philetum, quem superasti,
Et hunc Christo adunastis
Propter quod Hermogenes
Provocatus convocavit
Contra te et conjuravit
Arte sua daemones,
8. Ut te, sancte, alligarent
Atque sibi praesentarent,
Ut vindictam sumerent
De te atque de Phileto,
Qui pergentes corde laeto
Ut Illud perficerent.
9. Tibi misit In juvamen
Christus, Illis In gravamen,
Angelos, qui propere
Cathenis Illos ligabant,
Qui In aere clamabant:
O ardemus misere.
10. Nostri miserere, sancte
Jacobe, nam tu es tantae
Apud Christum dominum
Potestatis, nos absolvat
Jesus Christus, qui ligabat
Nos per suum angelum.
11. Eja, o amice Dei,
Rogo, miserere mei
Et absolve vinculum
Delictorum ac cohortem
Pravam liga, nimis fortem,
Tuum per auxilium.
12. Religatis his dixisti:
In virtute Jesu Christi
Mando vobis propere,
Alligatum apportetis
Magum Istum nec laedatis,
Quem vinxerunt misere.
13. Ad te Ipsum qui portabant,
Voce magna et clamabant:
Digneris concedere
Super Istum potestatem,
Ut possimus pravitatem
Sibi reimpendere,
14. Hunc Philetum teneatis,
Tu dixisti, hoc est gratis,
Nec formicam minimam
Aiebant, In cubili
Tuo quae est, et nil Vili
Nec hanc sanctam animam.
15. Jacobe, o mi dilecte;
Et apostole electe
Me In tuum famulum
Suscipe atque tuere
[A] daemonibus, quod vere
Potes, ut discipulum.
16. Tunc Hermogeni dixisti:
Inimice male Christi,
Ubi nunc est magica
Tua ars, qua delusisti
Populum et seduxisti,
Nec non diabolica.
17.O amice relegare
Domini tu me dignare
Et ab his daemonibus,
Qui vinxerunt, defensare,
Vadam tibi praesentare
Coram Istis omnibus
18. Meam quippe totam artem
Magicam, perquamhancgentem
Seduxi malefice.
Christo volo et parere,
Tibi quippe adhaerere
Vivendo deifice.
19. Tunc Phileto tu dixisti:
Religa hunc In Jesu Christi,
Qui te vinxit, nomine.
Quem absolvit ; qui meavit,
Libros omnes et portavit,
Quos In aqua flumine
20. Submersisti. Qui suscepit
Fidem Christi atque fecit
Mira Dei gratia,
Quod Judaei eum videbant
Tibi, sancte, Invidebant
Accensi malitia.
21. Tinctum fune te ducehant
Ac Herodi praesentabant,
Qui mandavit propere,
Caput tibi amputare,
Qui ceperunt agitare
Te trahentes misere.
22. Amice Christi praeclare,
Christum doce me amare
Mente omni tempore
Suaviter atque benigne,
Ipsum et laudare digne
Corde, ore, opere.
23. In via quidam jacebat
Paraliticus, petebat
Sanitatem corporis,
Cui pie tu dixisti:
In virtute Jesu Christi
Surge sanus ! Operis
24. Scriba, fune qui trahebat,
Mirabatur cum videbat
Qui, Josias nomine,
Mox ad pedes se prostravit
Tuos atque postulavit,
Baptizari flumine.
25. Qui cum esset baptizatus
Tecum fuit decollatus
Et sic per martyrium
Astra coeli scandit tecum
Videns tecum et tu serum
Jesum, Dei filium.
26. Corpus tui rapuerant
Subditi et posuerunt
Illud In naviculam,
Sepulturam commiserunt
Deo, navem conscenderunt
Pergentes Hispaniam.
27. Angelo de coelo duce,
Praeeunte Christo duce
De navi sanctissimum
Corpus tuum exceperunt,
Super saxum posuerunt
Illud amantissimum.
28. Quod ut cera liquescebat
Quippe et suscipiebat
Velut In sarcophagum.
Quod regina Lupa videns
Mirum credidit mox stupens
Deditque palatium
29. Suum, facta Christiana
Est, cuncta relinquens vana,
Ipsum In ecclesiam
Atque tibi consecravit
Et magnifice dotavit,
Ubi magnam gratiam
30. Cunctis facis, qui precantur,
Magna largiter donantur
Munera fidelibus,
Jesu Christo annuente,
Tua prece praecedente,
Pie de coelestibus.
31. O amice praeelecte
Jesu Christi, me directe
Coeli via ducere
Tu dignare, ut finita
Ista In aeterna vita
Tecum possim cernere
32. Laete natum castae matris
Mariae et summi patris,
Jesum, Dei filium,
Gaudium qui angelorum
Est et omnium sanctorum
Secum convivantium.