13. De novem ordinibus angelorum.

1. Summo Deo agmina

Trinae hierarchiae,
Modulantis carmina

Dulcis symphoniae,
Mea nunc precamina

Exaudite pie,
Cunctaque discrimina

Propulsate viae.
2. Seraphim limpidius

Deum contemplantes,
Ceteris ardentius

Ipsum peramantes,
Cor meum sincerius

Sitis radiantes
Ac amoris fortius

Igne reflammantes.
3. Dei ex praesentia

Estis Illustrata,
Plenaque scientia

Cherubim beata
Per vos conscientia

Fiat serenata,
Deique notitia

Mihi detur grata.

4. Chorum datis tertium,

Throni sedis Dei,
Unde fit judicium

Justi atque rei,
Animi hospitium

Condecenter mei
Dignum In triclinium

Praeparetis ei.
5. Subditis spiritibus

Dominationes
Praesunt, dant minoribus

Ministrationes,
Animae virtutibus

Hae subjectiones
Debitas et viribus

Donent actiones.
6. Justisque hominibus

Praesunt principatus
Et eorum actibus

Tribuunt conatus,
Per hos bonis moribus

Semper ordinatus,
Sanctis et operibus

Tandem sim beatus.

7. Potestates viribus

Daemones arcere
Solent, ne hominibus

Queant praevalere,
Hae me malis motibus

Faciant carere
Semper et affectibus

Puris inhaerere.

8. Hinc virtutes varia

Signa operantur,
Per quas et prodigia

Mira perpetrantur,
Per has In me vitia

Cuncta subruantur,
Virtutum Insignia

Grata tribuantur.

9. Sacer praeest pluribus

Grex archangelorum,
Qui sunt In majoribus

Nuntii coelorum,
Per hos Intellectibus

Fungar divinorum
Et post bonis omnibus

Fruar supernorum.

10. Angelorum spiritus

Multum nobis grati,
Singulis divinitus
Estis deputati,
Per vos semper penitus

- Simus gubernati,
Post hanc vitam coelitus
Tobis sociati.