5. De passione Domini.

1. Ave, Jesu, fili Dei

Te quaero, quem pharisaei
Morti tradunt causa mei
Et blasphemantes Judaei,

Et morti turpissimae.
Oculis non carnis quaero,
Da corde quaeram sincero,
Te Invento Deo vero
Mihi fiat hoc, quod spero,

O spes flentis animae.
O Jesu virtutis mirae,
Ne contingat me perire,
Gratanter mihi largire,
Ut te possim Invenire,

Obstans omne reprime.
O Inconstans cor et stultum,
Incultum et In consultum,
Te nunc apta ad singultum
Et pro Jesu plangens multum

Nullam moram exime.

2. Ave, Jesu, te praesentem
Scio, sed mihi absentem,
Punge ergo Impudentem
Meam tua cruce mentem,
Ut sic ad te redeat.

Manuum pedum fixura
Laterisque apertura,
Capitis tui punctura
Frangatur mens mea dura,

Ne jam ultra torpeat.
O cor durum, jam non sterte,
Ad Jesu crucem te verte;
Jesu, te ad me converte,
Ut cor meum velox certe

Totum In te transeat ;
Sanguine me tuo lava,
Cuncta mea delens prava,
Cruci tuae me conclava,
Ut non sathanina clava

Tuus labor pereat.

3. Ave, Jesu, mi dilecte,
Qui In crucis pendes vecte,
Cordi meo sic te necte,
Ut jungatur tibi recte

Per aeterna saecula.
Eja, Jesu, alme Deus,
Dolor tuus dolor meus,
Cur te sic mactat Judaeus,
Non tu sed ego sum reus,

Omni plenus macula.

En dolor te totam angit,
Cuncta membra tua frangit,
Sed adhuc, hen, me non tangit,
Hinc nec te mens mea plangit,

Carnis ardens facula.
O cor saevum, jam nunc plora,
Lacrimas ut Imbres rora,
Curre ad doloris fora,
Plange lugens omni hora,

Nulla pausans morula.

i. Ave. Jesu, mea vita,
O majestas Infinita,
Quare pro me peris Ita
Per tormenta Inaudita

Nec tolerabilia.
Ecce In cruce exspiras.
Poenas mortis luens diras,
Virtutes demonstras miras,
Nam non moveris ad Iras,

Quando suffers talia.
O dolor et o dolores,
Vere tui vultus flores,
Rosis rubicundiores,
Heu mutantur In pallores

Mortis vehementia.

O mors. cur In Christum fremis,
Christi vitam quare demis.
Cur me potius non premis,
Cum meminus quamhunc tremis
Mutata sententia.

5. Ave. Jesu. fons vitalis,
Non sis mihi partialis,
Sed sis mea spes totalis,
A cunctis solvas me malis

In mente et corpore.
Praesta ut vilescat Iste
Mihi mundus. Jesu Christe.
Mihi In morte assiste.
Ut nihil me laedat triste,

Tuo fretus robore.
Tunc. o Jesu, lux vivorum,
Spes et salus mortuorum.
Me ad gaudia coelorum
Duc ornatu meritorum

Numeroso foenore.
O cor meum, obstupesce,
Motus Iniquos compesce
Nec jam ultra insolesce.
In plagis Jesu quiesce

Nunc et omni tempore.