70. Alia oratio de eadem.

1. Ave, plena Magdalena,

Quae Maria diceris.
Caritate, sanctitate

Sublimata legeris ;
Nam orando, osculando

Tu rigasti fletibus
Pedes Christi, quos unxisti

Ac tersisti crinibus.
Hic te lavit, cum donavit

Cuncta tibi scelera
Et admissa, sic dimissa

Es In pace libera.

2. Salve, Christi quae fudisti

Caput aromatibus,
Qui dum fortem crucis mortem

Fert pro peccatoribus,
Lacrimans nec moraris,

Ut sepultum condias,
Sed revixit et, quod dixit

Tibi, quaeso, audias:
"O Maria!" Quem tu pia

Aestimas horticolam,
Qui prostratam te beatam
Statuit apostolam.

3. Gaude, pia o Maria.

Quia pro solatio
Angelorum supernorum

Frueris consortio
In desertis horis certis

Ubi piis mentibus
Vitae normam praebes, formam

Et spem poenitentibus.
Sic detlendo. sic feriendo

Es adepta gratiam.
O dilecta et electa

In coelestem gloriam.

4. Vale, rosa speciosa.

Adamatrix Inclyta
Jesu Christi, me In tristi

Statu mentis visita:
Fac me vere tecum flere

Et Christum diligere.
Et meorum peccatorum

Vincla velit solvere.
Mortis hora sine mora

Submove pericula
Et me Deo junge meo,

Qui regnat per saecula.