67. De sancta Anna.

1. Ave, salve, sancta Anna,
Nomen habes gratia,
Cujus verum coeli manna
Nobis profert filia.

2. Sancta vita meruisti,
Esse radix germinis,
Quo prodivit carnis Christi
Flos de flore virginis.

8. Anna, mater Samuelis,
Flebat gliscens filium,
Avia Emmanuelis
Fiebas Improperium

4. Legis, tibi quod objectum
Est a contribulibus,
Flesque Joachim abjectum
Templi a cultoribus.

5. Legis namque maledictum
Patitur sterilitas,
Joachimque sic afflictum
Fecit Infecunditas.

6. Vale Anna, semper gaude,
Tibi namque Dominus
Angelum transmisit, plaude,
Quia nihilominus

7. Joachim est destinatus,
Ambos vos laetificans,
De futuraque affatus
Sobole certificans.

8. Viro tuo occurristi,
Angelus ut monuit,
Gravidata peperisti
Filiam, quae genuit

9. Virgo virum sine viro,
Verum Dei filium,
Sine spina more miro
Rosa ferens lilium.

10. Nulla fuit nec est talis,
Sed nec erit similis
Ei, quam tu fecundalis
Peperisti sterilis.

11.O beata Anna, clara
Orta ex prosapia,
Sed praeclarior et gnara
Es ex prole regia.

12. Et quis digne quit efferre,
Quanta tibi gloria,
Quod factoris coeli terrae
Digna exstas avia.

13. Ergo pia nunc matrona,
Pro me quaeso filiam
Et nepotem ora prona
Impetrando gratiam ;

14. Ut fecundum per affectum
Parvulum concipiam,
Jesum gignam per effectum
Et profectum nutriam.

15. Ut, si carne non cognatus,
Sim propinquus spiritu,
Christo canam praesentatus
Coeli cum excercitu:

16. Venienti sit Hosanna
In excelsis domino, Et sic tecum, sancta Anna,
Laeter sine termino.