11. Oratio super Ave maris stella.

1. Ave maris stella,
Verbi Dei cella,
Gratiarum mella

Dans, coelestis ros.
Maris felix portus,
Voluptatis hortus,
In quo est exortus

Deitatis flos.
Stella tu serena,
Solis luce plena,
Dulcis et amoena,

Tu sanctorum dos.

2. Dei mater alma,
Tu virtutum palma,
Coeli ad agalma

Esto nobis dux.
Mater orphanorum,
Salus miserorum,
Fac ne nos rectorum

Hostis laedat trux.
Alma virgo parens,
Pari semper carens,
Care semper clarens,

Angelorum lux.

3. Atque semper virgo,
Mater sine viro,
Virum modo miro

Paris, qui est rex.
Semper In scripturis
Cunctis creaturis
Praefert In figuris

Te divina lex.
Virgo, virgo floris,
Cujus haustu roris
Gustuque dulcoris

Vivit coeli grex.

4. Felix coeli porta,
In qua pax est orta,
Illuc nos reporta,

Ubi semper es.
Coeli sidus carum,
Instar solis clarum,
Splendor animarum,

Peccatorum spes.

Porta supernorum,

In qua sibi thorum,

Fecit rex coetorum,

Electorum pres.

5. Sumens Illud Ave,
Verbum tam suave,
Tu Christi conclave

Electorum pars.
Illud verbum datum
Et a patre natum,
A te generatum

O sublimis ars!
Ave virgo parens,
Omni naevo carens,
Cujus Inflet arens

Gehennalis mars.

6. Gabrielis ore
Audis cum tremore,
Matrem Christi fore

Te, quod datur tunc.
Ore benedicto
Solvas a delicto,
Nos reddens invicto

Regi regum nunc.
Ore Gabrielis
Credens tu fidelis,
Filium de caelis

Ex hoc gignis hunc.

7. Funda nos In pace
Nec pro nobis tace,
Sed accensa face

Roget tua mens.
Nos duc dulcis, dia,
Ubi tecum, pia,
In aevum, Maria,

Gaudet tua gens.
In pace cum rege
Gaudes nova lege,
Sta pro tuo grege,

Sic te rogo flens.

8. Mutans nomen Evae,
Confer onus leve,
Ne culpae primaevae
Nos corrumpat fel.

Nomen amorosum
Habes et famosum,
Spiritum favosum.

Tu coeleste mel.
Evae transfer fletum
In anisum laetum,
Sic Intremus coetum,

Ubi manet El.

9. Solve vincla reis,
Pacem donans eis,
Et a culpis meis,

Virgo, munda me.
Vincla peccatorum,
Nexus delictorum
Rumpe, ne malorum

Nos involvat vae.
Reis spem solutis
Et opem virtutis
Confer destitutis,

Obsecramus te.

10. Profer lumen. caecis,
Umbram fuga necis,
Sume virgo precis

Devotorum thus.
Lumen spiritale,
Supernaturale
Praebe, ne lethale

Nos corrumpat pus.
Caecis et orbatis
Visu veritatis
Redde cum beatis

Verae lucis jus.

11.Mala nostra pelle,
Posce nosse, velle,
A peccati felle

Serva Christi lar.
Nostra gubernatrix
Sis et defensatrix,
Coeli dominatrix,

Cui nemo par.
Pelle voluptatem
Et Inanitatem,
Veram ubertatem

Da coeleste far.

12.Bona cuncta posce,
Nobis et Ignosce
Nosque recognosce

Cum pro tuis stas.
Cunctaque profana
Vulnera mundana
Mentis nostrae sana,

Medicinae vas.
Posce quod amamus,
Dona quod speramus,
Age, quod agamus

Nihil extra fas.

13. Monstra te esse matrem,
Placa Deum patrem,
Qui se nobis fratrem

Ex te fecit hic.
Te esse Mariam,
Summam coeli diam
Credimusque piam

In aeternum sic.
Matrem Christi Dei,
Te rogamus rei,
Da salutem spei,

Da spem nobis, die.

14.Sumat per te precem,
Qui pro nobis necem
Tulit, tunc In faecem

Ruit hostis fraus.
Per te renovemur,
In te gloriemur,
A te coronemur,

Angelorum laus.
Precem nostram tibi
Damus atque sibi,
Qui dat panem Ibi

Suis In Emaus.

15.Qui pro nobis natus,
Mundo conversatus,
Patri Immolatus,

Bellans sicut vir.
Pro nobis resurgens,
Morte mortem urgens,
Quare Satan turgens

Fert poenarum pyr.

Natus ex te, dia,
O dulcis Maria,
Te In hierarchia
Dextro locat ir.

16. Tulit mortem crucis
Auctor verae lucis,
Flos In virga nucis

Dedit nobis spem.
Esse Deum, Amen,
Patrem, natum, flamen,
Unum reor tamen,

Sancti laudant quem.
Tuus natus Deus
Omnium et meus,
Jesus Nazaraeus

Cunctam fecit rem.

17. Virgo singularis,
Stella predicaris
Fluctuantis maris,

Candens plus quam nix.
Singularis vita
Nobis In te sita,
In coelo nos dita,

Ne nos premat Styx.
Singularis virgo,
Parens sine viro,
Loca nos In pyrgo,

Quo it justus vix.

18.Inter omnes mitis,
Tu vinosa vitis,
Pota nos mellitis

Botris, nostra ars.
Omnes reges caeli,
Qui stant coram Eli.
Reples laude zeli,

Quorum tu es pars.
Mitis et benigna,
Cruce nos consigna,
Ut nos non maligna

Laedat Stygis Mars.

19.Nos culpis solutos
Semper fac et tutos,
Fide, spe Imbutos,
Caritatem da.

Culpis non fraudata,
Summi regis nata.
Mater Illibata,

Tu pro nobis sta.
Solutos peccatis
Fac nos, pulchra satis
Aula trinitatis,

Nulla major qua.

20. M ites te videbunt,
Qui non plus dolebunt,
Tibi adhaerebunt,

O aestatis ver!
Fac et nos astare
Sanctis, et laudare
Te cum Christo, quare

Sanctus cano ter.
Castos duc In chorum
Regis angelorum.
Mater orphanorum,

Opem nobis fer.

21. Vitam praesta puram,
Nostri gere curam.
Viam per securam

Duc nos, coeli pons.
Praesta, quod optamus,
Tecum ut vivamus,
Ad te conscendamus,

O virtutum mons.
Puram et profundam
Gratiarum undam,
Cordibus fecundam,

Funde vitae fons.

22. Iter para tutum,
Scutum da virtutum,
Nam contra versutum

Grandis Instat lis.
Para defensamen,
Confer adjuvamen,
Hostis ne fraudamen

Vincat nos aut vis.
Tutum et beatum
Ut capiemus statum
Post hunc Incolatum,

Tu pro nobis sis.

23.Ut videntes Jesum,
Nunquam culpa laesum,
Sed pro nobis caesum,

Cedat mortis nox.
Videntesque, pia,
Te, virgo Maria,
Laudis melodia

Nostra sonet vox.
Jesum que laudantes,
Angelos adstantes,
Nos considerantes,

Jubilemus mox.
24. Semper collaetemur
Et congloriemur,
Sanctis commoremur,

Christus beat quos.
Collaetemur tibi,
Gratiemur sibi
Semper hic et Ibi,

Qui redemit nos.
Amen, amen toto
Corde, voce, voto,
Animo devoto

Canat omne os.

25.Sitlaus Deo patri,

Christo nostro fratri,

Decus sit et matri,

Semper laudo quam.
Laus sit Nazaraeo,
Jesu Deo meo,
Qui nos de alveo

Ducit pie tam.
Deo patri, nato,
Flatui sic dato
Laudes et amato,

Dignum est hoc nam.
Patri dato laudes,
Filio congaudes,
Flamini applaudes,

Nec sileto jam.
26. Summo Christo decus
Per quem homo secus

Vivit sic ut pecus,

Quorum Ipse spes.
Christo vero credo
Et sic hostem laedo,
Cum peccatis cedo,

O quam sancta res.
Decus supernorum,
Terror Infernorum,
Salus mundanorum

Christe semper es.
27. Spiritui almo
Laeto cano psalmo
Cum extenso palmo,

Ubicumque sto.
Sancto Deo soli
Ac Mariae proli,
Qui est rector poli,

Me totalem do.
28. Tribus honor unus,
Triplex Deo munus
Demus, ne nos funus

Laedat valle hac.
Honor trinitati,
Salus unitati,
Laus sit Deitati,

On, quae peto, fac.
Unus exstat Deus
Omnium et meus,
Jesus Nazaraeus,

Matris sugens lac.
29. Amen dicant flentes,
Gratiam quaerentes,
Gloriam canentes,

Regi Kyrion.
Amen dicant gentes,
Culpam confitentes,
Deum profitentes,

Qui est In Sion.
Amen dicant cuncti,
Vivi et defuncti,
Qui sunt deo juncti,

Cui nomen on.