CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Salve coeli Domina,
Cui pangunt carmina
Angelorum agmina
Summo coram bonc
Intonantes pariter,
Hymnizantes dulciter.
Modulantes jugiter
Harmoniae sono.
2. Tibi parent omnia,
Polus, tellus, maria,
Dominatrix regia,
In coelesti throno.
Thronum Christus edidit
Hunc, qui cuncta subdidit
Seque tibi Indidit
Pro Insigni dono.
3. Hic In thronum gloriae
Suae tam eximiae
Te virtutis numine I
Mire praeparavit,
Regis ut authenticus
Salomonis typicus
Olim thronus mysticus
Pulchre figuravit.
4.
Opus grande solidum,
Ebur forte candidum,
Ex natura algidum,
Hoc materiavit,
Nempe quod efficiens,
Redimire gestiens,
Auro fulvo vestiens,
Nimis venustavit.
5. Virgo praefert corpore
Designatum ebore,
Cuncto pulchrum tempore,
Florem castitatis,
Sic Mariae spiritus
Praefulget divinitus
Auro fulvo praeditus
Summae caritatis.
6. In hunc thronum talibus
Sex virtutum gradibus
Christus scandens passibus
Motu singulari.
Sic hic gradus Infimus
Non virtutis minimus,
Quod ad Ave legimus
virginem turbari.
7. Turbat pudicitia,
Cogitat prudentia,
Fidei constantia
Modum Inquisivit.
Ecce, Inquit, damini,
Sum ancilla Domini,
Dicens fiat" numini
Felix obedivit.
8. Per hos gradus Dominus
Thronum Intrat cominus,
In quo nihilominus
Mensibus novenis
In sedili aureo
Sedit rex purpureo
In vestitu carneo
Nutibus serenis.
9. Adstant et leunculi,
Bis sex quibus graduli
Substant, quorum oculi
Thronum contemplantur
Totidem discipuli,
Conversores saeculi,
Christi matrem singuli
Digne venerantur.
10. Inde thronus habuit
Binas, prout decuit,
Manus, quibus tenuit
Regium sedile.
Bina harum actio
Fomitis exstinctio,
Gratiae repletio
Reddunt hoc subtile.
11. Insunt bina brachia,
Acta vitae fortia
Virginis signantia,
Nam contemplativam
Oratam affectantibus,
Suavem degustantibus,
Optimam servantibus
Signat et activam.
12. Riteque spectahiles,
Fortes et terribiles
Adstant bini stabiles
Brachiis leones,
Accipit per virginem
Homo fortitudinem,
Sumunt sed formidinem
Barathri dracones.
13. Throni pars posterior
Pinnaque superior.
Ut sit elegantior.
Exstitit rotunda
Uitam clausit virgini
Vita carens criminis,
Quo In throno luminis
Regnat laetabunda.
14. Salomonis stabile
Solium mirabile.
Opus delectabile
Id materiale,
Sic paret cernentibus
Ut In regnis omnibus
Cunctis In operibus
Non sit coaequale.
15. Attamen magnifici
Nobisque pacifici
Thronus regis coelici,
Veri Salomonis,
Nusquam sibi similem
Nunquam sic amabilem
Tamque venerabilem
Habuit In thronis.
16. Certe In virginibus,
Angelis, martyribus.
Sanctisque doctoribus
Modo spiritali
Tamquam In sapphireo
Ac solavi flammeo
Deus sedet nubeo
Throno speciali.
17. At venter virgineus
Thronus est eburneus.
In quo rex aethereus
Factus homo Deas
Mansit corporaliter
Supernaturaliter.
Ut spiritualiter
Vivat homo reus.
18. Abiit In coelicum
Thronum per mirificum
Thronum transangelicum
Thronus virginalis.
Resides In solio
Proximata filio
Cum Ingenti gaudio.
Pacis aeternalis.
19. Inde dextram omnibus
Porrige precantibus
Et a malis actibus
Retrahe, Maria.
Ad te revertentibus
Opem fer petentibus.
Ut virtutum gradibus
Te sequamur pia
20. Thronus divae regiae
Per te, thronum gratiae,
Nos In thronum gloriae
Congerat sanctorum.
Mariae ut canticis
Jubilemus melicis
Tibi cum hymnidicis
Choris angelorum.