27. De sancto Matthia apostolo.

1. Salve, sancte o Matthia,

Sacrum complens numerum.
Nam electus sorte pia
Divinorum munerum

2. Es Inter ascensum Christi
Et descensum spiritus
Et appostolis fuisti
Duodenus additus.
3. Velut rosa tu pro spina
Es pro Juda positus,
Joseph justo ex divina
Gratia praepositus.

4. In Judaea doces fidem
Et In Macedonia,
Tibi toxicum Ibidem
Datur ex perfidia.
5. Sed nil laesit, cum hausisti,
Imo quorum oculos
Excaecarat, reddidisti
Visum tangens singulos.

6. Per tres dies te praesentem
Mali non Inveniunt,
Sed te Illis ostendentem
Manus mox Injiciunt.
7. Et ligatum, strangulatum
Te Includunt carcere,
Christus vero consolatum
Te eduxit libere.
8. Item fidem docuisti,

Sed gentem, quae duruit,
Sicut ei praedixisti,
Terra mox absorbuit.
9. Cum Judaeam remeasti.
Ejicis daemonia,
Mortuos resuscitasti,
Aegris fers remedia.
10. Tunc Judaei captivantes,
Tradunt te concilio,
Reum mortis judicantes
Falso testimonio.

11. Per hos tandem lapidatus
Et percussus ascia,
Christo martyr consecratus,
Evolas ad gaudia.
12. Eja sancte nunc Matthia,
Adjuva me precibus,
Crescam ut In fide pia
Sanctis et operibus.

13. Me a morte reproborum
Serva et facinore.
Ut In sorte beatorum
Stem extremo tempore,
14. Cum Iisdem transituras
Ad coeli palatia.
Sine fine gavisurus
Ex Dei praesentia.