QUAESTIO I. Utrum corpus assumtum habeat veram formam corporis humani

.

Quaeritur igitur primo, utrum illud corpus habeat veram formam corporis humani. Et quod ita sit, videtur:

1. Quia, cum appareat esse corpus humanum,

aut est verum, aut est ibi error et deceptio: sed error et deceptio non competit Angelis sanctis: ergo cum assumunt corpora, quae videntur esse humana, vere habent formam humanam.

2. Item, ad corpus humanum nihil plus requiritur nisi aequalis complexio et debita organizatio, sicut dicunt naturales: sed corpus, quod Angelus assumit, debitam habet organizationem: si ergo organizatio praesupponit complexionem, ergo videtur, quod habeat totum, quod est de veritate humani corporis.

3. Item, quod Angelus vere possit formare corpus humanum, videtur. " Corpus humanum, sicut dicit Augustinus , est in rationibus seminalibus, sicut et alia corpora": sed quia formae quorundam animalium, ut serpentium et huiusmodi, habent rationes seminales dispersas in rebus: ideo dicit Augustinus, "quod ministerio daemonum vere educuntur": ergo pari ratione, ut videtur, et corpora hominum. Quodsi tu dicas, quod non valet, quia maior requiritur dispositio ad producendum corpus humanum: hoc non solvit, quia quod potest disponere a remotis in principio operationis, continuando actionem, cum non sit distantia infinita, poterit venire ad dispositionem immediatam: ergo si Angeli possunt veloci operatione producere corpora animalium minus perfecta, ergo et pari ratione corpora animalium magis perfecta: ergo et corpus humanum.

4. Item, si aliquod agens indifferenter se habet ad aliqua producenda, qua ratione potest in unum, potest in alterum: sed Angeli non habent maiorem convenientiam in corporibus serpentium quam in corporibus hominum, immo magis e converso: ergo si possunt auxilio naturae producere vera corpora serpentium, possunt auxilio naturae producere vera corpora hominum, ergo et assumere.

5. Item, quod potest in maius potest in minus: "sed anima, quantumcumque sit modicae nobilitatis, excellit nobilitatem cuiuscumque corporis", sicut dicitur in octavo de Civitate Dei et in aliis multis locis: cum ergo ministerio Angelorum educi possint et educantur animae vegetabiles et sensibiles quorundam animalium, multo fortius producere possunt vera corpora hominum.

Ad oppositum sic: 1. Eiusdem virtutis creataei est corpus formare et informare, quia vis formativa est ab informativa sive perfectiva : sed nullus spiritus angelicus potest humanum corpus perficere: ergo nec formare.

1-2. Item, Angeli nihil possunt operari circa creaturas nisi adiutorio naturae: sed nulla natura potest generare corpus humanum, nisi illa quae est similis in specie : ergo Angelus non potest formare verum corpus humanum nisi mediante homine. Sed homo non potest corpus humanum educere nisi generando.: ergo nec Angelus vera corpora humana formare nisi per generationem hominis. Sed cum assumit corpora, non indiget humano auxilio: ergo nunquam assumit vera corpora humana.

3. Item, si possunt corpus de novo formare, ergo pari ratione et corruptum reparare: ergo possunt mortuos suscitare, quod est solius Dei proprium.

4. Item, si corpora assumta ab Angelis essent vera corpora humana, haberent appetitum ad animam rationalem: sed Deus complet appetitum naturae: ergo statim infunderetur eis anima rationalis.

5. Item, si vera corpora humana assumerent, aut secundum statum gloriae, aut secundum statum viae. Non secundum statum gloriae: hoc constat, quia iam ulterius corpus illud non esset corruptibile nec ab Angelo separabile. Si ergo assumunt, hoc est secundum statum viae: sed corpora humana secundum statum viae sunt ponderosa et gravia, sive in statu naturae corruptae, sive in statu innocentiae: ergo non essent habilia ad motum nec ad velox ministerium: ergo si non assumunt corpora nisi propter ministerium, ergo non assumunt vera corpora humana.

CONCLUSIO.

Corpora ab Angelis assumta non habent veram formam et complexionem corporum humanorum nec completam organizationem.

Respondeo: Dicendum, quod corpora assumta ab Angelis non habent veram formam et complexionem corporum humanorum, nec etiam organizationem completam, sed solum effigiem.

Et ratio huius est duplex: una, quia non com petit Angelis tale corpus ad ministerium, sicut nunc ultimo ostensum est: alia ratio est, quia Angelus non potest educere formam naturalem in esse, nisi adiutus a virtute naturae. sicut habitum fuit in praecedenli distinctione . In virtute aulam naturae est producere corpora omnium animalium, verumtamen aliter et aliter. Ad quaedam enim educenda sufficit causa universalis sine adiutorio agentis particularis, consimilis in specie naturae, cuiusmodi sunt animalia, quae generantur per putrefactionem . Quaedam autem sunt, ad quae non sufficit, nisi adiuvetur ab agente consimilis speciei, sicut sunt corpora animalium, quae producuntur solummodo per propagationem; et istud planum est ad sensum.

Si antem quaeratur ratio huius, prima est divina institutio, secundum quam est limitatio in virtutibus et naturis rerum: et hoc secundum legem, quam indidit eis ab initio. Unde sicut dixit : Germinet terra herbam virentem, non dixit, quod germinaret hominem: homini autem dixit, quod se multiplicaret. Sic terra germinat herbam, et homo Lgenerat hominem.

Haec autem lex sive institutio non est absque ratione, quia quaedam sunt animamalia imperfecta tam in organizatione quam in dur ratione; quaedam vero perfecta utroque modo. Quia vero quaedam corpora animalium sunt imperfecta et in organizatione et complexione: ideo non indiguerunt agente tantae virtutis, sed potuit virtus productiva ipsorum dari terrae tanquam matri, et soli tanquam patri , cum adiutorio aliorum corporum simplicium, tam elementarium quam caelestium. Quia vero sunt imperfecta duratione et aliquando pereunt: ideo oportuit hoc communicari agenti alterius naturae: quia ad hoc data est vis generativa rebus, ut dicit Philosophus , "ut perpetuentur in esse". -E contrario est de animalibus utroque modo perfectis , - et ideo virtus productiva ipsorum maiorem exigit actualitatem, et ratio seminalis cum maiori difficultate profertur in actum; ideo maiori indiget adiutorio. - Illa igitur animalia, sive eorum corpora, quae ad primum genus spectant, educi possunt ab Angelis, mediante naturae adiutorio, velociter et quasi subito, veraciter tamen, quia per vim naturae. Sed animalia et eorum corpora, quae spectant ad secundum genus, educi non possunt veradfer nisi cum auxilio naturae et cum diuturnitate et tempore . Et quoniam assumtio corporum ab

Angelis est velociter et quasi repeute, ideo vera corpora humana non assumunt, quia non possunt illa per se formare veraciter; et cum alterius adiutorio non possunt facere, quod exeant in esse ve lociter. -Et esto quod educerentur, adhuc non competerent, sicut tactum est in obiiciendo, tum propter appetitum, quem haberent ad animam rationalem, tum propter gravitatem: quae duo repugnant fini illius corporis. Nam si haberet animam rationalem, non esset competens signum ad apparendum: si haberet gravitatem, non esset competens instrumentum ad operandum, maxime ad motum; non esset etiam competens habitaculum ad inhabitandum.

Concedendae sunt igitur rationes probantes, quod Angeli non assumunt vera corpora humana, sive boni sive mali.

1. Ad illud quod obiicitur in contrarium, quod est ibi error et deceptio: dicendum, quod falsum est, quia non assumunt illa corpora, ut ostendant, se esse homines et veros homines, sed ut ostendant se rationales; et quoniam illa corpora significant, ipsos esse rationales, et ad huc formata sunt finaliter: ideo vera sunt, quamvis non sint vere humana, sicut in primo libro dictum fuit de igne et de columba.

2. Ad illud quod obiicitur, quod est ibi organizatio et aequalis complexio: dicendum, quod falsum est. Non enim est ibi vere organizatio, quae competit corpori humano, quae quidem est a virtute formativa, cum seminibus delata, sed potius quaedam lineamentorum protractio secundum illius conformitatem; et haec non praesupponit aequalitatem complexionis, quia talis protractio potest fieri ab artifice in ligno et lapide. Nec quaecumque qualitas mixtionis est illa quae facit ad veritatem corporis humani, sed illa quae habet virtutem specificatain, hominis completivam et directivam .

3. Ad illud quod obiicitur, quod corpus humanum est in rationibus seminalibus: iam patet responsio, quia quamvis sit ibi, nunquam tamen educitur, nisi concurrat virtus agentis exterioris, quae residet in lumbis viri et in matrice mulieris: et ideo sine bis nunquam potest illa ratio seminalis ad actum perfectum educi.

Et si obiiciat, quod potest disponere dispositione remota etc.: dicendum, quod illud habet locum, ubi dispositio remota fit necessitas sola intensione: tunc enim sufficit virtutis activae continuatio et intensio: non autem, quando requiritur novae formae, vel alterius formae secundum speciem operatio: et sic est in proposito.

4. Ad illud quod obiicitur, quod indifferenter se habet Angelus ad omnia corpora animalium: dicendum, quod etsi hoc verum sit de ipso Angelo in se, non tamen est verum de virtute naturae, ex cuius adiutorio Angelus operatur. Et ideo, sicut Angelus per se non potest educere corpus humanum,

ita nec corpus alicuius animalis; et sicut natura quaedam potest faciliter, quaedam cum maiore difficultate, ut prius visum est; sic et Angelus ipsius virtute adiutus.

5. Ad illud quod obiicitur, quod potest in magis nobile: dicendum, quod illud non habet semper veritatem, quia homo potest generare hominem.

qui est nobilior, et non potest generare asinum -maxime autem tunc deficit, quando et res nobilior est facilioris productionis, sicut frequenter contingit Et sic in proposito: nam facilius educitur anima vegetabilis vel sensibilis animalis per putrefactionem educti, quam educatur et organizetur verum corpus hominis.