SERMO LVI.

IN DOMINICA II

POST TRINITATEM.

Homo quidam fecit coenam magnam, et vocavit multos. Et misit servum suum hora coenae dicere invitatis ut venirent, quia jam parata sunt omnia. Luc. XIV, 16 et 17.

In praesenti loco sex principaliter sunt hic notanda:

I. Quis sit homo iste, a quo coena magna paratur ?II. Quae sit coena magna, quae ab hoc homine praeparatur ?

III. Quid per horam hujus cana intelligatur ?IV. Quis servus hujus patrisfamilias esse dicatur ?

V. Quis ad coenam hanc magnam recipiatur ?VI. Etiam quis sit, qui ab hac caina magna repellatur ?

1.

De primo nota, quod homo iste, qui fecit coenam magnam, est Filius Dei. Hic est homo, de quo dixit Caiphas, Joan.

XI, 50 : Expedit vobis, ut unus moriatur homo pro populo, et non tota genus pereat. Iste est homo, de quo dicit Joan. XIX, 5, quod exivit Jesus portans coronam spineam , et purpureum vestimentum. Et dicit Pilatus Judaeis: Ecce homo, Glossa: " Non clarus imperio, sed ple-" nus opprobrio. "

II.

De secundo nota, quod coena magna est gaudium et societas aeternae et supernaae patriae, quam electis Dei Filius pra?paravit. De hac coena dicitur Apoc. XIX, 9: Beati, qui ad canam nuptiarum Agni vocati sunt. Et nota quod coena Filii Dei magna dicitur propter sex causas.

1. Primo magna dicitur propter praeparantis divitias ac dignitatem. Ipse enim Deus Dei Filius, qui hanc coenam fecit, est divitiis opulentissimus, et dignitate supremus, utpote Dominus dominantium, Rex regum, Augustus Augustorum, et trinus et simplex aeterni regni monarcha.

2. Secundo magna dicitur propter ministrorum nobilium claritatem. Nobiles enim sunt, et praeclari sancti Angeli, qui in coena Dei ministrabunt.

3.. Tertio magna dicitur propter convivarum excellentiam et qualitatem. Omnes enim, qui coenabunt in regno Dei, reges erunt et reginae, sedebuntque vestimentis gloria? decorati.

4. Quarto magna dicitur propter regalium ferculorum innumerabilitatem. Fercula quippe curiae coelestis regalia sunt et innumerabilia, et numquam a mortali homine prius visa. Unde I ad Gor. ii, 9 : Oculus non vidit, nec auris audivit, nec in cor hominis ascendit, quae praeparavit Deus iis, qui diligunt illum.

5. Quinto magna dicitur propter solemnis ac securi loci amoenitatem. Securissima namque ac amoenissima est illa gloriosa civitas Dei, in qua cum Deo coenabunt electi.

6. Sexto magna dicitur propter coenandi infastiditam perpetuitatem. Semper enim electi cum Deo coenabunt ; nec tamen eis ferculorum interminabilitas fastidium aliquod generabit : fruuntur enim nec fastidiunt, quo frui magis sitiunt.

ID.

De tertio nota, quod hora coena? est quodlibet hujus seculi ; hora coena? est qualibet etas hominis. Nullum enim tempus umquam fuit, in quo non fuissent aliqui vocati ad coenam Dei. In quacumque etiam etate sit homo, sive sit in infantia, sive in pueritia, sive in juventute, sive in virili aetale, sive in senio, sive etiam in a?tate decrepita, vocatur ad coenam Dei. Bonum est igitur, quia quotidie ad deliciosam coenam Dei vocamur, ut festine veniamus, et non de die in diem, de tempore in tempus venire differamus. Unde Augustinus in libro de Verbo Domini : " Dicunt aliqui, si Deus "mihi per Prophetam promisit quod " quacumque die conversus fuero, om-" nium iniquitatum mearum oblivisce-"tur, quare hodie convertar, et non cras ? " Unde quidem gaudes, quod tibi ab ini-" quitatibus converso, Deus indulgentiam " promisit, sed crastinum diem tibi ne-" mo promisit. "

IV.

De quarto nota, quod secundum Glossam servus hujus patrisfamilias est Ordo Pra?dicatorum. Quilibet enim Praedicator, qui verbum Dei ex cordis sinceritate, et propter animarum salutem pronuntiat, et quilibet etiam Sacerdos, et breviter omnis homo, qui proximum suum ad vitam invitat aeternam, per servum hujus patrisfamilias designatur.

V.

De quinto nota, quod ad coenam hujus patrisfamilias quatuor genera hominum recipiuntur, videlicet pauperes et debiles, caeci et claudi. Unde dicitur in Evangelio (Luc. XIV, 21 : Exi cito in plateas, et vicos civitatis : et pauperes, ac debiles, et cascos, et claudos introduc huc.

Pauperes sunt,qui illius pauperis crucifixi vestigia imitantes, nihil in hoc mundo contra ipsum volunt vel acquirere vel possidere : pauperes sunt, qui de bonis sive carnalibus sive spiritualibus, si quae habuerint, non tumescunt, qui de justo patrimonio, vel de justo labore suo Deo et pauperibus eleemosynas suas fideliter largiuntur. De istis pauperibus dicit Dominus, Matth v, 3 : Beati pauperes spiritu, etc.

Debiles sunt, qui ad ea quas mundi sunt, debiles se exhibent et infirmos, et qui secundum Apostolum II ad Corinth. IV, 10, Semper mortificationem. Jesu in corpore suo circumferunt, ut et vita Jesu in eorum operibus manifestetur : et qui ibidem (IV, 16) cum Apostolo dicunt: Licet is, qui foris est, noster homo corrumpatur : tamen is, qui intus est, renovatur de die in diem. Caeci sunt, qui cultro timoris Dei oculos desideriorum et concupiscentiarum malarum sibimetipsis eruunt, ne videlicet respiciant in vanitates et insanias falsas , et ne mulierem vel quamcumque aliam rem,contra Dei praeceptum videant et concupiscant. Unde dicit Dominus, Matth. v, 29 : Si oculus tuus dexter scandalizat te, erue eum, et projice abs te.''

Claudi sunt, qui uno pede terram tangunt, et alium a terra suspendunt.

Illi igitur spiritualiter claudi sunt, qui licet propter curam et necessitatem corporis uno pede affectus terram tangunt: alterum tamen pedem affectus propter salutem animas ad coelum semper levant. Et certe talibus est necessarius baculus sanctas crucis, ut innitantur : et taliter claudi fiunt, qui imitatione illius Beati Jacob cum Deo, qui est Angelus magni consilii, duobus brachiis orationum ac lacrymarum luctati fuerint, et quorum femur Dominus tangens , ''nervum carnalis delectationis in ipsis arefecerit.

VI.

De sexto nota, quod tria genera hominum excluduntur a coena Christi, videlicet qui villam comparaverunt, qui quinque juga boum emerunt, qui uxorem duxerunt. Primi sunt superbi, secundi avari, tertii luxuriosi De his dicitur in Luc. XIV, 18, et seq. Quod cum servus missus esset hora coeae dicere invitatis, ut venirent: coeperunt simili omnes excusare. Primus dixit: Villam emi, et necesse habeo exire, et videre illam : rogo te, habe me excusatum. Glossa Augustini : " In empta villa dominatio no-" tatur et superbia, habere enim villam, " homines possidere, homines sibi sub-" dere, vitium malum, vitium primum. "Primus enim homo dominari voluit, " qui Dominum habere" noluit. " Alter dixit ; Juga boum emi quinque et eo probare illa : rogo te, habe me excusatum. Quinque juga boum sunt quinque quas annexa sunt avaris, qui per boves intelliguntur. Avarus enim sicut bos terram per curas rimatur et versat. Primum jugum est labor in inquirendo : secundum, est difficultas in inveniendo :

tertium, est cura in servando : quartum, anxia delectatio in possidendo : quintum, dolor in perdendo : et quodlibet istorum duplici pressura gravat corpus et animam. De his quinque jugis dicit. S. Prosper in libro de Contemplativa vita, eis qui militant Deo : " Fugienda sunt ex toto cor-" de divitias, quas qui habere voluerint, et sine cura non servant, sine anxia dele" ctatione non possident, sine dolore non " perdunt. "

Tertius duxit : Uxorem duxi, et ideo non possum venire. Glossa, " quia multi " non propter foecunditatem, sed propter " desideria carnis uxores ducunt: ideo " per rem istam carnis voluptas desi-" gnatur, propter quam ad coenam Dei " recusat venire fastidiosus. "

Rogate ergo Dominum, ut sic superbiam, avaritiam, luxuriam fugiamus, ut ad coenam suam cum electis omnibus veniamus.